Ibrani 10:22 - En Taar Weru a nunuwu' é Tontemboan

²² Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 10:22 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Lukas 1:1

Tuang Teofilus si pasiri-siriinku. Keli en tou irumaméjio imatic in abar andumoro' im pakasa sé mamualio an tutuw i Yesus an unerta.

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 8:9

An tutuw éra luminga sapa sé aicua-Na itu, séra tumo'tol asé matu'a keli maesa-esa tumela'u in tampa itu. Wo tumela'uio' si Yesus oka in esa wo si wéwéné itu si makatulung an dior-Na.

Kisah Para Rasul 22:16

Wo intarépé', nomoo menguré-ngurépé'! Tumulungo wo iwééo mangé en owakmu baptisen wo mangilek angé a si Casuruan wosama' ampungan-Na eng kamesé-meséaanmu.’

Kisah Para Rasul 8:21

Ico ra'ica toro mindo bagéan asi tawoien anio', ampa'paan en atému péngkor an dior i Amang Kasuruan.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

Efesus 3:12

Intarépé' kita ra'io ka'i maindé-indé' rumuru a si Amang Kasuruan, ampa'paan icita maémano a si Kristus Yesus wo meesao wo Sia.

Efesus 5:26

Niéma'-Na en itu wosama' Sia lume'nas sé jamaat kekawus éra wineresi-Na in dano wo in Taar,

Efesus 6:5

Éi ata-ata, kiitenno mangé em perénta i tuang iow ang kayo'baan anio'. Selewiran angé si tuang iow ang karapi in siri' wo maindé' mangé ang karapi in lekep en até, kaputé kamu mengaselewir a si Kristus.

1 Timotius 4:2

Sé tou mengasusui in sususuien mengasélé'kow itu, séra itu punek wo kotowo. En até weresi éra itu imariréimbengo.

Titus 3:5

An tutuw itu Sia lumowiro icita, en itu ra'ica ampa'paan kita mengaéma' im butul an dior-Na taan ampa'paan aituru'-Nao eng kaupusan-Na ai cita. Weresin-Na eng kamesé-meséaanta wo pakén-Na e Roh Le'nas e méma' ing katouanta maweru. En itu meputé kita tumou sumawel.

Ibrani 10:1

En atoran-atoran ang kitap Torat itu, asaloke' im bayangan andumoro' sé loor si maai sa, ra'ica modél aseli asé loor itu. Sa kumiit sé atoran itu, sé tou sé mai maapo' a si Amang Kasuruan, séra musti meméé-méé raragés meputé susur in ta'un. Taan e raragés binatang pinokol sé airagés éra itu, ra'ica kawisa méma' iséra makaleke-lekep an dior i Amang Kasuruan.

Ibrani 10:19

Anaé é poo-poow, ampa'paano in enda' i Yesus, kita intarépé' ra'io maindé' muntep ang kamar Lume'na-le'nas.

Ibrani 11:28

Ampa'paan im paémanenna, iru'du'na sé tou Israel mesic in enda' i domba ang konséng im papalen am balé éra wosama' sé toyaang luluna tuama éra ra'ica patén i malaékat im papaté. Wo in taniitu sia iméma'o in endo wangko' Paska asi kumataré.

Ibrani 12:24

Wo kamu mai meta'up ka'i wo si Yesus, si maali mai im perjanjian weru i Amang Kasuruan a sé tou. Wo mai ka'i asi enda' im perjanjian weru si makatiti-titis e méé ing kaampungan ing kamesé-meséaan a sé tou. Sa taniitu en enda' i Yesus en lébé awéan wééna wo in enda' i Habel, ampa'paan en enda' i Habel si makatiti-titis asaloke' in sumuli' im pinanganat i Kain.

Ibrani 4:16

Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.

Ibrani 6:11

Icasalé' ami keli sa kamu esa wo si esa mainca-incaya' akar ing kaka'puan ing katouan wosama' kéréan iow sapa em paara-arapen iow itu.

Ibrani 7:19

Ampa'paan en ukum Torat ra'ica ro'na méma' si séike' e mamuali lekep an dior i Amang Kasuruan. Taan intarépé' kita winéano mai i Amang Kasuruan arapan lébé loor, si méma' icita rumuru mangé ai Sia.

Ibrani 9:10

Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

Ibrani 9:19

Ampa'paan indior ipakakua mako i Musa pakasa sé perénta an ukum Torat a sé tou Israel, wo sia mindo in enda' i ana' i sapi wo enda' i mémbé' tuama wo pekemunna in dano. Sia mindo wuuk i domba réindang matu'a, iwa'kesna an hisop wo ito'to'na an enda' itu. Wo ipesicna ang kitap Torat wo a sé im pakasa é tou Israel.

Yakobus 1:6

An tutuw sia mangilek a si Casuruan, musti émanenna mangé em pinangilekna itu, tioo marua-rua até. Si tou marua-rua até, meputé wo in sempa' an ta'sic si ipawali-wali in deges.

Yakobus 4:8

Rumaméjio mangé rumuru a si Amang Kasuruan, wo kamu rurun-Na oka mai. Wu'asanno mio' eng kama miow, éi kamu sé tou iméma' ing kamesé-meséaan! Le'naseno mangé en até miow, éi kamu sé marua-rua até.

1 Petrus 1:2

Icamu sinisir i Amang Kasuruan, Amangta, tumo'tolke' mai indior kumiit im pawasa-wasan-Na. Wo kamu niéma' i Roh Le'nas mamuali le'nas wosama' kamu le'tek maéma' ing kasalé'an i Yesus Kristus wo eng kamesé-meséaan iow ka'i weresin-Na ang karapi in enda'-Na. Pekiupusenku a si Amang Kasuruan wosama' émaan-Na mai eng katouan iow elu-elur wo méé mai ing kamang si kumeli-keli ai camu.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.