Ibrani 10:20 - En Taar Weru a nunuwu' é Tontemboan

²⁰ Ampa'paan si Yesus imuka'o in lalan weru, wosama' kita ro'na menonou akar ing kauré-uré. En lalan itu lumewet asi kaéng ipakawu' maangé asi Kamar Lume'na-le'nas, wo owak i Yesuso in esa si kaéng ipakawu' itu.

Ibrani 10:20 ပူးပေါင်းရင်းမြစ်များ

Matius 27:51

Sérén, eng kaéng pengakawu' si aiwérén am Balé Le'nas mawirang maperua tumo'tol an dangka' akar an darem. Wo awéan ka'i pangéro' repet akar en tolaina wawatuan maweté'.

Markus 15:38

An tutuw itu eng kaéng pengakawu' am Balé Le'nas, mawirang maperua tumo'tol an dangka' akar an darem.

Lukas 23:45

Wo eng kaéng pengakawu' si aiwérén am Balé Le'nas pengakawu' ing Kamar Le'nas wo ing Kamar Lume'na-le'nas mawirang maperua.

Yohanes 10:7

Ampa'paan in itu icua ka'i i Yesus, “En ulitna icua-Ku mangé ai camu, Yakuo em papalen é domba itu.

Yohanes 10:9

Yakuo em papalen itu. Si séike' e muntep lumangkoi a Yaku, sia lowiren oka. Sia muntep oka wo kumesot, wo meta'up oka in tana' rerukutan.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Efesus 2:15

Ampa'paan eng kepaté-Na tanu tou, en atoran-atoran wo em perénta-perénta an ukum Torat binatal-Nao wosama' sé tou Yahudi wo sé tou ra'ica Yahudi mamuali esa bangsa weru, si meesa ang karapi-Na. Tanu siituo si Kristus iméma' ing kaeluran.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Ibrani 6:19

Em paarapenta itu ayandé tanu in jangkar keter wo aman torona i mu'kurta. Em paarapen itu makawali icita lumangkoi angé ing kaéng pengakawu', am pauntepan asi Kamar Lume'na-le'nas an sorga.

Ibrani 9:3

Asi kamar kataré itu awéan kaéng pengakawu' aiwérén em pauntepan asi kamar karua. Eng kamar karua itu pengatuulen Kamar Lume'na-le'nas.

Ibrani 9:8

Ang karapi in atoran itu, aituru'o i Roh Le'nas sapaoka ang kauré ing kamar kataré am bitupé', en lalan pauntepan asi Kamar Lume'na-le'nas ra'ipé' imawuka'.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

1 Yohanes 4:2

Uluren tana'i wosama' ro'na kakailekanta sapaoka e Roh itu Roh i Amang Kasuruan kuma'pa ra'ica: Si tou mangaku sa si Yesus Kristus maai ang kayo'baan mamuali tou, si tou itu makaanu i Roh asi Amang Kasuruan owo.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.