Ibrani 10:11 - En Taar Weru a nunuwu' é Tontemboan

¹¹ Indior si esa wo si esa imam mengaéma' in tawoienna susur in endo wo menguri-nguri mengawéé binatang pinokol si meputé a si Amang Kasuruan. Wo em iparagés pawéé éra itu, ra'ica toro misi ing kamesé-meséaan é tou.

Ibrani 10:11 ပူးပေါင်းရင်းမြစ်များ

Ibrani 10:1

En atoran-atoran ang kitap Torat itu, asaloke' im bayangan andumoro' sé loor si maai sa, ra'ica modél aseli asé loor itu. Sa kumiit sé atoran itu, sé tou sé mai maapo' a si Amang Kasuruan, séra musti meméé-méé raragés meputé susur in ta'un. Taan e raragés binatang pinokol sé airagés éra itu, ra'ica kawisa méma' iséra makaleke-lekep an dior i Amang Kasuruan.

Ibrani 10:4

Ampa'paan en enda' i sapi tuama wo en enda' i mémbé' tuama uli-ulit ra'ica ro'na misi ing kamesé-meséaan é tou.

Ibrani 5:1

Susur i imam wangko' si sinisir an uner é tou, sia niangkai en sumelewir a si Amang Kasuruan mamuali kasawel é tou. En tawoienna mengawéé i raragés binatang pinokol wo raragés walina a si Amang Kasuruan ampa'paan ing kamesé-meséaan.

Ibrani 7:27

Si Yesus ra'ica meputé wo sé imam wangko' walina, si susur in endo musti meméé-méé i raragés binatang pinokol torona ing kamesé-meséaan éra in esa wo ka'i torona ing kamesé-meséaan é tou éra. Sia iméé i raragés makasake' torona ing kauré-uré, an tutuw-Na irumagés in owak-Na in esa.

Ibrani 8:2

Sia maéma' in tawoien-Na tanu Imam Wangko' asi tampa le'nas, siituo si ténda aseli si winangun i Amang Kasuruan in esa ra'ica winangun é tou.

Ibrani 8:4

Sa Sia ang kayo'baan, tantu Sia ra'ica mamuali imam, ampa'paan ang kayo'baan awéano sé imam mengawéé i raragés iciit in atoran an ukum Torat.