Ibrani 10:1 - En Taar Weru a nunuwu' é Tontemboan

¹ En atoran-atoran ang kitap Torat itu, asaloke' im bayangan andumoro' sé loor si maai sa, ra'ica modél aseli asé loor itu. Sa kumiit sé atoran itu, sé tou sé mai maapo' a si Amang Kasuruan, séra musti meméé-méé raragés meputé susur in ta'un. Taan e raragés binatang pinokol sé airagés éra itu, ra'ica kawisa méma' iséra makaleke-lekep an dior i Amang Kasuruan.

Ibrani 10:1 ပူးပေါင်းရင်းမြစ်များ

Roma 8:3

En ukum Torat ra'ica kawisa lumowir icita, ampa'paan kita makiit in ukum Torat si ra'ica kaémaanta. Taan niéma'o i Amang Kasuruan si ra'ica kaémaan in ukum Torat. Sia mutuso mai si Toyaang-Na in esa ang kayo'baan anio' mamuali tou tanu iméma'o ing kamesé-meséaan wo imaté e mekar sé tou iméma' ing kamesé-meséaan. Wo ampa'paan im papaté i Toyaang-Na itu, kinala-Nao eng kawasa ing kamesé-meséaanta in tou.

Kolose 2:17

Ampa'paan pakasa sé atoran itu indior niéma' tanu im bayang andumoro' im perkara-perkara sé mamuali oka asi endo mengangai. Wo en ulitna sé aituru' an atoran-atoran itu Siao si Kristus.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 7:11

An tutuw é suku Lewi mamuali imam, si Amang Kasuruan méé mai in ukum Torat a sé tou Israel. Mandé ka'i sé imam taranak i Lewi mengaéma' in tawoien éra mengatuur an ukum Torat, taan em pakaselewir éra ra'ica ro'na méma' sé tou mamuali lekep an dior i Amang Kasuruan. Anaé, musti awéan imam walina kaputé i Melkisedek, wo ra'ica imam asé taranak i Lewi kaputé imam Harun.

Ibrani 8:5

Séra mengaselewir tanu imam an ténda paapo'an en ulitna asalo mamuali patron wo bayangan asé sapa sé an sorga. Ampa'paan an tutuw i Musa masalé' mangun in ténda paapo'an, sia kinuanan i Amang Kasuruan in tana'i, “Musti émaanmu em pakasa iciit im patron si aituru'-Kuo ai co am bawo ing kuntung itu.”

Ibrani 9:11

Taan intarépé' si Kristus imayo tanu Imam Wangko si maali mai ai cita andumoro' sé loor sé awéano. Sia imuntepo asi ténda pengaapo'an si lébé loor wo en lébé lekep, ampa'paan en ténda itu ra'ica tanu in ténda si niéma' é tou ang kayo'baan.

Ibrani 9:23

Ampa'paan in itu en ténda paapo'an wo pakasa im pakakas sé pengapakén am bitu, musti le'nasen in enda' i binatang. Wo en ténda paapo'an wo em pakakas sé pengapakén ang kayo'baan tanuke' modél sapa sé an sorga. Anaé, sa en ténda ang kayo'baan musti le'nasen in enda' i binatang, ténda an sorga musti le'nasen i raragés si lumoorai wo in enda' i binatang.

Ibrani 9:25

Si Kristus ra'ica menguri-nguri mengaragés in owak-Na in esa, kaputé sé imam wangko' si susur in ta'un mauntep ang Kamar Lume'na-le'nas maali iparagés si ra'- ica enda'na in esa.