Ibrani 1:2 - En Taar Weru a nunuwu' é Tontemboan

² Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.

Ibrani 1:2 ပူးပေါင်းရင်းမြစ်များ

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Matius 21:38

Taan an tutuw i toyaang i makauma itu sérén é matawoi in uma itu wo séra mengkuanan, ‘Siao e makaanu in uma anio' sa. Mayoo paténta sia wo en uma anio' mamuali oka anuta.’

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Markus 1:1

Si anioo en to'tolan in Abar Kaaruien andumoro' i Yesus Kristus, Toyaang i Amang Kasuruan.

Markus 12:6

Si aicatela'u waya oka in esa tou, si toyaang ipaupu-upusna. Sumiwakio', ru'du'na si toyaangna mangé ai séra, icuana, ‘Sa si toyaangku in esa tantu siriin éra oka.’

Markus 12:7

Taan sé tou matawoi in uma itu mengkuanan asi esa wo sé walina, ‘Siao e makaanu in uma anio' sa. Mayoo paténta sia, wo en uma anio' mamuali oka anuta.’

Yohanes 1:10

Sia si patuulen sendot ang kayo'baano. Eng kayo'baan niéma' ampa'paan Sia, taan sé tou ang kayo'baan ra'ica makatuus Sia.

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 1:3

Ang karapi in Taar itu émaan i Amang Kasuruan em baya-wayana awéan. Ra'ica wana mandé esake' sé niéma' i Amang Kasuruan sa ra'ica ampa'paan in Taar itu.

Yohanes 13:3

Kailekan i Yesus pakasa eng kawasa aiwééo mai i Amang-Na ai Sia. Kailekan-Na ka'i Sia mai asi Amang Kasuruan owo wo maréng oka ai Sia.

Yohanes 13:32

Wo sa si Amang Kasuruan parayo-rayo wo pasiri-siriin ampa'paano Yaku, émaan-Na oka Aku parayo-rayo wo pasiri-siriin, wo en itu makala'us émaan-Na.”

Yohanes 15:15

Kamu ra'io ka'i tuulen-Ku ata, ampa'paan ra'ica kailekan i ata sapa en émaan i tuangna. Taan kamu patuulen-Ku kara-karapi, ampa'paan aicua-Kuo waya ai camu sapa-sapake' sé lininga-Kuo asi Amang-Ku.

Yohanes 16:15

Pakasa sé anu i Amang, anu-Ku ka'i. Ampa'paan in ituo icua-Ku mangé ai camu, sapa sé tinerima-Na a Yaku siituo en icua-Na oka ai camu.”

Yohanes 17:2

Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Yohanes 3:25

Sé murit-murit i Yohanes meindo-indoan roma' wo si esa tou Yahudi walina andumoro' i mu'as in owak iciit in atoran an agama Yahudi.

Yohanes 5:26

Ampa'paan si Amang-Ku palemboian ing katouan, niéma'-Na ka'i si Toyaang-Na mamuali palemboian ing katouan.

Yohanes 5:27

Wo si Amang-Ku ka'i mééo ing kawasa a Yaku e makim ampa'paan Yaku Toyaang i Tou.

Yohanes 9:29

Kailekan ami sapaoka si Amang Kasuruan irumoma'o a si Musa, taan andumoro' si Tou itu ra'ica kailekan ami am bisa owo Sia imai.”

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 2:17

‘Asi endo-endo kaka'puan, itumpa-Ku oka e Roh-Ku a sé pakasa in tou. Sé toyaang iow tuama wo wéwéné kumua oka i nunuwuun-Ku a sé tou. Sé mangalitou wo mangala'un makéré oka papaturu'an wo sé matu'a makéré oka pangipin.

Roma 1:4

taan sa sérén eng kale'nasan ing katouan-Na, Sia itu Toyaang i Amang Kasuruan. En tuusna an tutuw si Amang Kasuruan maké ing kawasa-Na itumou sumawel Sia an uner é tou imaté. Siao si Yesus Kristus Apo'ta.

Roma 8:17

Wo sa kita toya-toyaang i Amang Kasuruan, kita awéan hak e makéré im bagéan asé im pakasa sé aitu'tulo i Amang Kasuruan torona é toyaang-Na. Wo terimanta oka en itu mewali-wali wo si Kristus. Wo sa kita mawendu meputé in sinangkumai i Kristus, kita ka'i tumerima oka i rarayo wo in sisiri' kaputé i Kristus.

1 Korintus 2:7

Sé ipakua ami itu kapinteran asi Amang Kasuruan owo. Eng kapinteran itu ra'ipé' kailekan é tou wo aicaenepé', taan en itu tinu'tulo i Amang Kasuruan an tutuw eng kayo'baan anio' ra'ipé' niéma' wosama' kéréanta em bagéan asi rarayo wo in sisiri'-Na.

1 Korintus 8:6

Taan ai cita anio', si Amang Kasuruan itu wayake' in esa, Siao si Amang si méma' im baya-waya. Torona Siake' kita menonou. Wo ka'i si Casuruan waya in esa, Siao si Yesus Kristus. Ampa'paano Sia em baya-waya niéma' wo ampa'paano Sia kita menonou.

Galatia 4:4

Taan asi oras aitantuo i Amang Kasuruan, yutus-Na si Toyaang-Na ang kayo'baan. Si Toyaang-Na tumou asi esa wéwéné wo menonou le'tek mengaéma' in ukum Torat tanu tou Yahudi.

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

Efesus 3:9

wo tumuru' im pawasa-wasan i Amang Kasuruan a sé pakasa in tou. Em pawasa-wasan-Na itu maatu-atus ngata'un eng kauréna si ayenep-Na si méma' im baya-waya.

Ibrani 1:5

Ampa'paan ra'ica kawisa mako si Amang Kasuruan kumua a sé malaékat, meputé si aicua-Na a si Toyaang-Na tana'i, “Icoo si Toyaang-Ku asi endo anio' Aku imamualio Amang-Mu.” Wo ra'ica kawisa mako ka'i Sia kumua a sé malaékat in tana'i, “Yaku mamuali oka Amang-Na wo Sia mamuali oka Toyaang-Ku.”

Ibrani 1:8

Taan andumoro' i Toyaang itu, icua i Amang Kasuruan tana'i, “Ico ituo si Amang Kasuruan. Asi palukutan-Mu, Ico merénta oka a sé tou-Mu akar ing kauré-uré. Wo Ico merénta oka a sé tou-Mu ang kakolanoan-Mu ang karapi in da'ica marapit.

Ibrani 11:3

Ampa'paan awéan paémanen akar ro'na kaangéanta sapaoka en tana' wo en langit wo pakasa sé an untepna niéma' i nunuwu' i Amang Kasuruan. Anaé, pakasa sé ro'na kaséréanta, niéma' asé sapa sé ra'ica kaséréanta.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.

Ibrani 5:8

Mandé ka'i Sia Toyaang i Amang Kasuruan, Sia imajaro male'tek a si Amang Kasuruan ampa'paan ing kawenduan sé sinangkum-Nao mai.

Ibrani 7:28

Iciit in ukum Torat, si imam wangko' pengaangkaien asé tou biasa sé ra'ipé' lekep. Taan kekawus in ukum Torat, si Amang Kasuruan mangkai si Toyaang-Na maké in sumpa, wo si Toyaang-Na niéma'o mamuali Imam Wangko' si lekep akar ing kauré-uré.

Ibrani 7:3

En andumoro' i Melkisedek anio' ra'ica wana en sisisilen si séi si amang wo si inangna, wo si séi sé apo-apo'na, wo kawisa eng ketouna wo kawisa eng kepaténa. Anaé, sia kasake' mamuali imam akar ing kauré-uré, kaputé i Toyaang i Amang Kasuruan.

Ibrani 9:26

Ampa'paan sa si Kristus menguri-nguri maragés in owak, tantu tumo'tolke' mai eng kayo'baan niéma' Sia musti menguri-ngurio masangkum ing kawenduan. Taan asi endo-endo ka'kapuan ing kayo'baan anio' Sia mai wayake' i makasa e rumagés in owak-Na in esa en tumu'bus ing kamesé-meséaan é tou.

1 Petrus 1:20

Si Kristus sinisiro i Amang Kasuruan an tutuw eng kayo'baan anio' ra'ipé' niéma'. Wo matawio ing kaka'puan ing kayo'baan anio', Sia imayo ang kayo'baan wosama' kamu im baya ro'na makéré ing kalowiran an ukuman ing kamesé-meséaan.

2 Petrus 3:3

Kataré-taré si musti kailekan iow tana'i: asé endo-endo matawio kaka'puan ing kayo'baan, mapaturu' oka mai sé tou eng katouan éra pakakawasan ing kasalé'an in owak éra in esa sé ra'ica wutul, séra maai oka suméro' icamu.

Yudas 1:18

Aicua éra, “Sa maayo en endo kaka'puan ing kayo'baan, mapaturu' oka mai sé tou koséro'. Séra itu menonou makiitke' ing kasalé'an in owak éra sé ra'ica loor.”