Ibrani 1:1 - En Taar Weru a nunuwu' é Tontemboan

¹ Indior, penguri-ngurin i Amang Kasuruan maroma' a sé apo-apo'ta mengapaké sé nabi ang karapi i membam-balinaan en carana.

Ibrani 1:1 ပူးပေါင်းရင်းမြစ်များ

Lukas 1:55

Tanu en janji-Na, ituru'-Na oka eng kaupusan-Na a sé apo-apo'ta, a si Abraham wo a sé taranakna akar ing kauré-uré.”

Lukas 1:72

en tumuru' ing kaupusan-Na a sé apo-apo'ta wo pena'né-na'néien-Na en janji-Na sé le'nas.

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 16:13

Taan sa Sia maai, Siao e Roh si tumuru' in sususuien wutul i Amang Kasuruan, isusui-Na oka ai camu akar kailekan iow pakasa sé sususuien wutul andumoro' i Amang Kasuruan. Ampa'paan Sia ra'ica kawisa mengaroma' makiit im bewerot-Na in esa, taan Sia maroma' kumiit sapa sé lininga-Na. Wo icua-Na oka ka'i ai camu andumoro' in sapa sé mamuali sa.

Yohanes 7:22

Taan icamu in esa ka'i mengatawoi asi endo Sabat, ampa'paan kamu masunat sé tou kumiit in atoran sunat si aiwéé i nabi Musa. (Taan em butulna en sunat itu ra'ica atoran i Musa, taan mai ang kanaramen é apo-apo'ta Abraham, Ishak wo si Yakub.)

Yohanes 9:29

Kailekan ami sapaoka si Amang Kasuruan irumoma'o a si Musa, taan andumoro' si Tou itu ra'ica kailekan ami am bisa owo Sia imai.”

Kisah Para Rasul 13:32

Wo kami intarépé' makua in Abar Kaaruien andumoro' i Yesus Kristus ai camu, si aijanjio i Amang Kasuruan indior a sé apo-apo'ta.

Kisah Para Rasul 2:30

Taan si Daud anio' nabi wo kailekanna sa si Amang Kasuruan ijumanjio ai sia ang karapi in sumpa sapaoka esa asé taranakna mamuali oka kolano.

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 3:21

Sia itu musti mento' an sorga akar mai en témpona si Amang Kasuruan méma' im pakasa mamuali weru. Pakasa en itu aicua-Nao indioré' owo, imaké sé nabi sé sinisir-Na.

Ibrani 11:18

icauntep si janji anio', “Taranak asi Ishakke' en tuulen oka taranakmu.”

Ibrani 11:2

Ampa'paan awéan em paémanen, sé tou indior icasalé' i Amang Kasuruan.

Ibrani 12:25

Ampa'paan in ituo, sa si Amang Kasuruan maroma' ai camu tioo ipakélong. Indior sé tou Israel ra'ica mengalinga in taar i Amang Kasuruan sé ipakua i Musa ai séra ang kayo'baan, akar séra makéré in ukuman. Wopé'taré icita anio', sa kita ra'ica mengalinga in taar-Na si an sorga owo, tantu kita ra'ica icaséip an ukuman.

Ibrani 2:2

En Taar i Amang Kasuruan sé ipakua é malaékat a sé apo-apo'ta tou Israel en itu wutul, wo en tou si ra'ica mengakiit kuma'pa ra'ica mengaéma' in taar i Amang Kasuruan, sia itu makéré in ukuman kumiit sé pinengaéma'na.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.

Ibrani 3:5

Si Musa tanu tou si maselewir, sia le'tek maéma' in tawoienna tanu kikiiten é tou Israel. Em pakaselewir i Musa itu mamuali tuus sapa sé icua oka i Amang Kasuruan ai cita sa.

Ibrani 4:8

Indior si Yosua imakawalio sé tou Israel muntep an tana' Kanaan, taan en itu ra'ica puté sia makawali séra an tampa pengaenaan e mena' mewali-wali wo si Amang Kasuruan. Sa séra wutu-wutul aiwalio i Yosua an tampa pengaenaan itu, tantu si Amang Kasuruan ra'io ka'i kumua en andumoro' in esa endo walina.

Ibrani 5:5

Taniitu ka'i si Kristus. Sia ra'ica marayo in owak-Na in esa mamuali Imam Wangko', taan Sia niangkai i Amang Kasuruan in esa. Icua i Amang Kasuruan ai Sia, “Icoo si Toyaang-Ku. A si endo anio' Yaku imamualio Amang-Mu.”

Ibrani 9:19

Ampa'paan indior ipakakua mako i Musa pakasa sé perénta an ukum Torat a sé tou Israel, wo sia mindo in enda' i ana' i sapi wo enda' i mémbé' tuama wo pekemunna in dano. Sia mindo wuuk i domba réindang matu'a, iwa'kesna an hisop wo ito'to'na an enda' itu. Wo ipesicna ang kitap Torat wo a sé im pakasa é tou Israel.