Galatia 5:2 - En Taar Weru a nunuwu' é Tontemboan

² Wéan rékén sumama-sama'! Yaku Paulus kumua in tana'i ai camu: Sa kamu méé in owak en sunaten wosama' nianggap wutul an dior i Amang Kasuruan, sapa si niéma' i Kristus ai camu ra'ica wana en torona.

Galatia 5:2 ပူးပေါင်းရင်းမြစ်များ

Kisah Para Rasul 15:1

Awéan piraan tou an Yudea owo, mai an Antiokhia. Am bitu séra sumusui sé tou ra'ica Yahudi sé maémano in tana'i, “Sa kamu ra'ica sunaten iciit ing kanaramen si aisusui i Musa, kamu ra'ica malowir.”

Kisah Para Rasul 15:24

Aipatic ami en surat anio', ampa'paan lininga ami awéan piraan tou sé ai cami owo imangéo ai camu. Séra lumicoko i ngaas iow wo méma' icamu ra'io makaaté in sama' in sususuien éra. Sé tou itu ra'ica airu'du' ami mangé ai camu.

Kisah Para Rasul 15:5

Taan am bitu awéan piraan tou Yahudi ang golongan Farisi sé maémano. Séra tumulung wo kumua, “Sé tou ra'ica Yahudi musti sunaten wo kumiit ing kanaramen si aisusui i Musa.”

1 Korintus 16:21

En siri' anio' kamaku in esa imatic: Siri' a yaku owo Paulus.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

Galatia 5:11

Poo-poow, awéan sé tou makua sapaoka aku masusuié' andumoro' in sunat a sé tou ra'ica Yahudi wosama' séra musti sunaten iciit in ukum Torat. Taan em pakua éra itu ra'ica wutul. Sa em pasusuiku tanu siitu, yaku ra'ica okoien é tou Yahudi. Wo sa aku masusuié' andumoro' in sunat, ra'ica iméma' sé tou Yahudi mae'bow mandé ka'i aku masusui andumoro' ing kepaté i Yesus ang kayu salip.

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

1 Tesalonika 2:18

Ampa'paan kami mawasao maangé ai camu, yaku in esa makapirao wona' mepé' maangé ai camu, taan pengala-ngalaanke' i kikiiten é sétang. Ampa'paano in itu, kami ra'ica icaangé ai camu.

Filemon 1:19

Yaku Paulus, kamakuo in esa e matic in anio': “Yaku oka en tumu'bus pakasa in utang i Onesimus.” Wo ra'io sangali ita'néiku sapaoka ko awéan utang a yaku e makawali ico makéré ing katouan weru an tutuw ko mamualio tou maéman.

Filemon 1:9

taan ampa'paan ing kaupusanmu a sé tou, lébé loor pekiupusenku ai co ang karapi in lekep en até. Wopé'ka'i aku anio' Paulus matu'ao wo ka'i intarépé' binui ampa'paan i Kristus Yesus.

Ibrani 4:2

Ampa'paan en Abar Kaaruien itu ipakua-kuao ai cita, meputé sé aicuao a sé apo-apo'ta indior. En abar sé lininga é apo-apo'ta itu ra'ica wana torona ai séra, ampa'paan ra'ica percayan éra.