Galatia 4:3 - En Taar Weru a nunuwu' é Tontemboan

³ Taniitu ka'i mai wo icita: An tutuw kita ra'ipé' makatuus si Kristus, kita pakaatané' é roh sé makakawasa ing kayo'baan anio'.

Galatia 4:3 ပူးပေါင်းရင်းမြစ်များ

Matius 11:28

Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian.

Yohanes 8:31

Wo icua i Yesus a sé tou Yahudi sé maémano ai Sia. “Sa kamu menonou kumiit in sususuien-Ku, kamu uli-ulit murit-Ku,

Kisah Para Rasul 15:10

Sa taniitu, kéitu réén kamu mangepé' a si Amang Kasuruan ang karapi méé im pamuléngen a sé tou ra'ica Yahudi sé maémano? Sé apo-apo'ta wo ka'i cita in esa ra'ica kawisa makawoo méma' waya in ukum Torat.

Roma 7:14

Kailekanta sapaoka en ukum Torat itu asi Roh i Amang Kasuruan owo, taan aku anio' tou makiité' ing kasalé'an in owakku in esa. Yaku mamualio ata ing kamesé-meséaan.

Roma 8:15

Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”

2 Korintus 11:20

Ipakawayake' miow sé tou sé mengaata icamu, sé mengaindo pakasa in anu miow, sé mengaindo ing kauntungan ai camu, sé mendam irumangka' mai wo icamu, wo sé ra'ica mindé' mengasepé' in amo miow.

Galatia 2:4

Awéan sé tou tanuoka woo maémano a si Yesus Kristus taan séra towo. Icasalé' éra pakasa sé tuama sunaten. Séra muntep ang karapi i maene- enep an jamaat en tumi'tir sa awéan tou sé ra'io ka'i mengakiit in ukum Torat ampa'paan maéman a si Yesus Kristus. Icasalé' éra wosama' sé tou maéman kasake' pakawa'kesen in ukum Torat wo kinawasa in ukum itu.

Galatia 3:19

Aiwéé i Amang Kasuruan eng kamang ciit in janji-Na. Sa taniitu, kéitu réén Sia méé in ukum Torat itu? En ukum Torat itu aiwéé-Na wosama' ro'na kakailekan é tou eng kamesé-meséaan éra. Wo en ukum itu asalo mapaké akar maai si taranak i Abraham si aicua an janji-Na a si Abraham itu. En ukum itu aicua é malaékat a si Musa si makawali itu, wo icuana a sé tou Israel.

Galatia 4:2

Anaé, musti awéan tou e mewangko' si toyaang itu wo murus waya im bagéanna akar asi témpo si aitantuo i amangna.

Galatia 4:24

En anio' asalo andéan: sé rua wéwéné itu ayandé tanu rua perjanjian i Amang Kasuruan. Si wéwéné kataré si Hagar, sia ayandé tanu ing kuntung Sinai am bisa en ukum Torat aiwéé. Si Hagar itu puté wo si inang é pakasa in tou sé imamuali ata in ukum Torat.

Galatia 4:25

Si Hagar itu ayandé tanu ing kuntung Sinai an tana' Arab. Wo en Yerusalem intarépé' kaputé ing kuntung Sinai an tana' Arab, ampa'paan sé tou Yerusalem imamualio ata an ukum Torat.

Galatia 4:31

Ampa'paano in itu é poo-poow, kita ra'ica toya-toyaang i ata wéwéné, taan kita toya-toyaang i wéwéné si ra'ica pakakawasan é tou walina.

Galatia 4:8

Indior an tutuw iow ra'ipé' makatuus si Amang Kasuruan, kamu mengaata in owak a sé opo-opo' sé wutu-wutul ra'ica Amang Kasuruan.

Galatia 4:9

Taan intarépé' Sia kinatuusano miow, kuma'pa lébé loor kamu patuulen katuusano i Amang Kasuruan. Kéitu réén kamu masalé'ke' maréng sumawel sumelewir a sé roh ing kayo'baan sé ra'ica keter wo lengéi? Kéitu réén kamu masalé'pé' mengaata in owak a sé roh itu?

Kolose 2:20

Kamu imatéo mewali-wali wo si Kristus, wo aiwekaro ang kawasa é roh ing kayo'baan anio'. Taan kéitu réén kamu imenonoué' tanu sé tou pakakawasan ing kayo'baan anio'? Kéitu réén kamu makiité' in atoran-atoran ing kayo'baan anio'? Tanumai,

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

Ibrani 5:12

En ulitna kamu an témponao woo mamuali guru, taan kamu sangalipé' pasusuian é tou walina en andumoro' im patuuran in Taar i Amang Kasuruan. Kamu susupé' em paelepen, ra'ipé' makawoo tumerima ing kakanen keté.

Ibrani 7:16

Si Imam walina itu mamualio Imam ra'ica mengatuur asé atoran in tou, taan Sia mamuali Imam ampa'paan makaanu ing kawasa ing katouan si ra'ica ro'na maka'pu.