Galatia 3:9 - En Taar Weru a nunuwu' é Tontemboan

⁹ Kaputé si Amang Kasuruan indior kumamang si Abraham ampa'paan im paémanenna ai Sia, taniitu ka'i pakasa en tou maéman ai Sia intarépé' kamangen oka kaputé i Abraham.

Galatia 3:9 ပူးပေါင်းရင်းမြစ်များ

Roma 4:11

Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

Roma 4:24

taan aipatic ka'i torona icita im baya. Kita nianggap wutul i Amang Kasuruan, ampa'paan kita maéman ai Sia si tumou sumawel si Yesus Apo'ta an uner é tou imaté.

Galatia 3:14

Si Yesus Kristus pinatéo ang kayu salip wosama' eng kamang i Amang Kasuruan si aijanjio a si Abraham, iwéé a sé pakasa en tou sé maéman icauntep sé tou ra'ica Yahudi. Anaé, sa kita maéman a si Yesus si maté ang kayu salip, kita ro'na tumerima i Roh Le'nas si aijanjio i Amang Kasuruan indior.

Galatia 3:29

Wo sa kamu anu i Kristus, kamu ka'i taranak i Abraham wo teriman oka miow sapa si aijanjio i Amang Kasuruan a si Abraham.

Galatia 4:28

Poo-poow, kamu imamualio toya-toyaang i Amang Kasuruan tanu in janji-Na, kaputé i Ishak itumou iciit in janji-Na.