Galatia 2:9 - En Taar Weru a nunuwu' é Tontemboan

⁹ Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Galatia 2:9 ပူးပေါင်းရင်းမြစ်များ

Matius 16:18

Icua-Ku ka'i ai co: Ico si Petrus wo am bawo im batu karang anio' tooran-Ku oka sé jamaat-Ku wo ra'ica kawisa kawasan im papaté.

Lukas 22:8

Wo iru'du' i Yesus si Petrus wo si Yohanes, icua-Na, “Mangém kamu wo itu'tulo mio' kakanen eng kanenta mewali-wali am perjamuan Paska anio'.”

Yohanes 1:42

Kekawus in itu si Simon iwali i Andreas a si Yesus. Wo téintengen i Yesus si Simon wo icua-Na ai sia, “Ico si Simon toyaang i Yohanes. Ico ngaranan-Ku oka ‘Kefas’. (Kefas puté wo i ‘Petrus’ eng kaangéanna, watu enté').”

Kisah Para Rasul 12:17

Taan séinan i Petrus ing kama wosama' séra menes. Kumawus in itu isisilna ai séra tambisa si Casuruan makawali sia kumesot am bui. Wo icuana ai séra, “Icuao mangé pakasa en anio' a si Yakobus wo a sé poo-poowta walina sé maémano.” Wo sia kumesot am bitu wo mangé an tampa walina.

Kisah Para Rasul 15:13

Kekawus i Paulus wo si Barnabas mepaar, wo icua ka'i i Yakobus, “Éi poo-poow, linganai aku!

Kisah Para Rasul 15:7

Uré-uréan keli séra mepaar andumoro' im perkara itu wo si Petrus tumulung, icuana ai séra, “Éi poo-poow, kailekan iow sapaoka si Amang Kasuruan indior isumisiro yaku an uner iow eng kumua in Abar Kaaruien andumoro' si Yesus Kristus a sé tou ra'ica Yahudi wosama' lingan éra en abar itu wo maéman.

Kisah Para Rasul 4:36

Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 12:3

Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.

Roma 15:15

Mandé in taniitu, yaku ra'ica malawi' e matic piraan sina'u an surat anio' en ta'néi ai camu, ampa'paan si Amang Kasuruan tumambéro mai in tawoien anio' a yaku.

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

2 Korintus 11:5

Yaku uli-ulit ra'ica mendam lébé wawa' wo sé ruru'du'- an wangko' itu.

2 Korintus 12:11

Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Korintus 8:4

Séra meki-kiupus ai cami sa woo ro'na séra kumiit méé ipatawang a sé tou le'nas an Yerusalem, ampa'paan en itu kamang ai séra.

Galatia 1:16

Wo ituru'-Na si Toyaang-Na a yaku, wosama' ipakua-kuaku en andumoro' i Toyaang-Na an uner é tou ra'ica Yahudi. Wo aku ra'ica mangilek sina'u asi séike' mangé mandé esake' nuwu' andumoro' in taar si tinerimaku itu.

Galatia 1:18

Kekawus in telu ngata'un, aku mangé an Yerusalem e meta'- up wo si Kefas, wo aku mento' am baléna sangapulu' lima ngando eng kauré.

Galatia 2:1

Kekawusai in sangapulu' epat ngata'un lumangkoi, yaku mangé sumawel an Yerusalem ang karapi i Barnabas, wo si Titus iwaliku ka'i.

Galatia 2:2

Yaku mangé an Yerusalem ampa'paan si Amang Kasuruan icumuao a yaku e musti maangé. Wo an tutuwku a mangé mbitu, yaku meta'up wuntulke' a sé tou sé nianggap pasiriin an jamaat. Wo ipepaarku a sé kikiiten an jamaat itu en Abar Kaaruien andumoro' i Yesus Kristus sé ipakua-kuakuo a sé tou ra'ica Yahudi, wosama' kakailekan é kikiiten sapaoka en tawoienku wutu-wutul mééo im buéna. Wo in taniitu em paraméjianku mengakua in Abar Kaaruien itu a sé tou ra'ica Yahudi indior wo intarépé' ra'ica mara'i-ra'i.

Galatia 6:3

Ampa'paan sa awéan tou mawerot en owakna in esa penting, taan en ulitna sia itu tou ra'ica penting, eng kaangéanna sia itumowoo an owakna in esa.

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

1 Yohanes 1:3

Intarépé' icua ami ai camu sapa sé sinéréo wo liningao ami ai Sia. Wo in taniitu kamu ro'na menonou meesa wo icami. Wo kita im baya ka'i menonou meesa wo si Amang wo si Toyaang-Na Yesus Kristus.

Wahyu 3:12

Si séi e muntung, émaan-Ku oka sia mamuali totombol am Balé Le'nas i Amang Kasuruan-Ku, wo sia mento' oka am bitu akar ing kauré-uré. Ipatic-Ku oka ka'i ai sia e ngaran i Amang Kasuruan-Ku, e ngaran ing kota i Amang Kasuruan-Ku Yerusalem weru. Wo eng kota itu itumpa oka mai i Amang Kasuruan an sorga owo. Wo ipatic-Ku oka ai sia e ngaran weru-Ku.