Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipi 4:8 - En Taar Weru a nunuwu' é Tontemboan

8 Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

အခန်းကိုကြည့်ပါ။ ကော်ပီ




Filipi 4:8
67 ပူးပေါင်းရင်းမြစ်များ  

Iru'du' éra sé murit éra wo piraan tou sé makiit si colano Herodes mangé a si Yesus e mamuéi ai Sia, “Guru, kailekan ami si Guru ra'ica matowo, wo masusui sé tou ang karapi i makakii-kiit andumoro' ing kasalé'an i Amang Kasuruan. Wo si Guru ra'ica maindé' a si séike' mangé ampa'paan si Guru ra'- ica masisir in tou.


Ampa'paan si Yohanes pengasiriin i Herodes wo kailekanna si Yohanes itu tou wutul wo le'nas. Anaé, sia linoindong i Herodes, taan susurna in luminga si Yohanes manuwu' sia ra'io makaaté in sama' mandé ka'i sia mendam in arui mengalinga si Yohanes manuwu'.


Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.


Asi témpo itu an Yerusalem awéan esa tou makangaran Simeon. Sia itu maéma' im butul an dior i Amang Kasuruan wo le'tek ai Sia. Wo sia ang karoro'an mengento-ngento' in oras i Amang Kasuruan lumowir sé tou Israel wo e Roh Le'nas mewali-wali wo isia.


Awéan esa tou makangaran Yusuf, anggota Mahkamah Agama Yahudi, tou loor wo ka'i mengaéma' im butul an dior i Amang Kasuruan.


Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.


Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”


An Damsyik, awéan si esa tou, makangaran Ananias. Sia le'tek makiit in ukum Torat. Wo pakasa sé tou Yahudi am bitu, makailek sa sia tou sama'.


Anaé, tana'io é poo-poow, aweso taré sisiren iow pitu tou an uner iow. Séra itu musti tou sama', kinawasa i Roh Le'nas wo awéan kapinteran asi Casuruan owo. Sé tou anioo em béan ami oka in tawoien en tumu'tul ing kakanen.


Mayoo kita menonou in loor, tanu sé tou menonou ang kasendotan. Tioo mengéma-ngéma' ing kasalé-salé'an ing kuman wo mengele-ngelep sé ra'io masoma wo malangu-langu, tioo mengéma-ngéma' andumoro' in sina wo makiit ing kasalé'an sé ra'ica loor, tioo meindo-indoan roma' wo mangana-nganat.


Anaé, si tou mengaéma' in loor, sia ra'ica sangali maindé' a sé pemerénta, taan si tou mengaéma' in léwo', tantu sia maindé' a sé pemerénta. Ampa'paano in itu sa kamu masalé' wosama' ra'ica maindé' a sé pemerénta, mengaéma'o mangé in loor wosama' kamu irayo éra.


Anaé, si séi mengaselewir a si Kristus tanu siitu, sia maruio in até i Amang Kasuruan wo ka'i pasiri-siriin é tou walina.


Taan sé wutu-wutul patuulen tou Yahudi, sé tou imamualio Yahudi an untep in aténa. Wo sé wutu-wutul patuulen sunat, ra'ica ampa'paan sinunato kumiit in atoran sé aipatic an ukum Torat, taan ampa'paan en até éra rinobao i Roh i Amang Kasuruan. Sé tou tanu siitu makéré oka i rarayo asi Amang Kasuruan ra'ica a sé tou owo.


Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.


Isombayang ami a si Amang Kasuruan wosama' kamu ra'io mengaéma' ing kaséaan. Isombayang ami tanu siitu, ampa'paan icasalé' ami kamu méma' sé loor. Ra'ica ampa'paan icasalé' ami en tumuru' sapaoka kami talesen im paujin tanu ruru'du'an i Kristus. Ra'ica sapa-sapa sa kami paweroten tanu tou si ra'ica talesen im paujin.


Kami pasiriin, taan ka'i iparoro-roros; kami iparayo, taan ka'i ipawa'ba'-wa'ba'. Mandé ka'i kami mengasusui im butul, taan putudun mengauwak.


E maangé ra'ica si Tituske' in esa, yutus ami ka'i si esa poowta maéman mewali-wali wo sia maangé ai camu. Si poowta itu parayo-rayo am pakasa in jamaat ampa'paan en tawoienna makua in Abar Kaaruien andumoro' i Yesus Kristus.


Ampa'paan casalé' ami e méma' im butul, ra'ica an diorke' i Amang Kasuruan taan an dior é tou ka'i.


Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,


Ampa'paan kamu mamualio tou weru, ra'io toro ka'i mengatowo. Makuao mangé im butul asi esa wo sé walina, ampa'paan kita im baya puté-puté anggota in owak i Kristus.


ampa'paan sa kamu menonou an sendot em pengaémaan iow asalo andumoro' sé loor, sé ra'ica marapit wo sé wutul.


Anaé, kumete-ketero mangé makatulung tanu suraro sé tu'tulo i merang. Wo pakéno mangé en sususuien wutul tanu mapaké im pawe'ber am pinggangmu wo ra'ica marapit tanu mapaké ing karai bési ipari'dir in owakmu.


Anaé, é poo-poowku, maaru-aruio mangé ampa'paan kamu meesao wo si Apo' Yesus. Yaku ra'ica mendam in uter e matic sumawel sapa sé aipatickuo ai camu. Ampa'paan eng kasalé'anku en tuméir icamu wosama' kamu ra'ica kauwakan in sususuien imasélé'kow.


Menonouo mangé kamu ang karapi wuta ing kapinteran asi Casuruan owo an tutuw kamu mewali-wali wo sé tou ra'ipé' maéman a si Kristus. Wo pakéno mangé sumama-sama' en témpomu itu, wosama' séra ka'i maéman a si Kristus.


Wo in taniitu, kamu siriin oka é tou sé ra'ica maéman a si Apo' Yesus, wo kamu ra'ica mengamangén a sé tou walina.


torona é kolano wo sé kikiiten wangko' wosama' kita ro'na menonou ang kaeluran wo ang kaaruian. Wo wuta ing kale'tekan wo in siri' a si Casuruan, siituo si patus émaan é tou maéman.


Taniitu ka'i wo sé penanaan éra, em peri é penanaan éra musti loor akar pasiri-siriin é tou, ra'ica mengawuruk i ngaran é tou walina, makailek matang in owak wo ro'na papercayan am baya-waya.


mamuali kikiiten loor am pamaléna, pasiri-siriin wo pengalingan é toyaangna.


Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.


wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.


Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.


Taan séra musti masalé' materima sé tou walina en lumosér am baléna, masalé' mengaéma' sé loor, pinter, ra'ica marapit, menonou le'nas wo makawoo tumang ing kasalé'an in owak.


Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.


Sina'uenmu mangé sé tuama matu'a wosama' makawoo tumang in owak, makaperi loor akar pasiriin é tou, mapaké ing kapinteran asi Casuruan owo, tatapke' maéman a si Casuruan, mengaupus sé kakélé tou wo talesen mengasaru ing kawenduan.


Wo ko é Titus, em perimu musti mengaéma' in loor wosama' ko ro'na mamuali paandéan é tou. Sa ko sumusui, mengasusui angé ang karapi i makakii-kiit wo rondor en até.


Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.


Ampa'paan awéan em paémanen, sé tou indior icasalé' i Amang Kasuruan.


Ipenomba-nombayango mangé kami. Ampa'paan percayan ami en até ami uli-ulit weresi, ampa'paan am baya-waya kami masalé' mengéma-ngéma' sapa sé loor.


Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.


Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.


Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.


Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.


Wo si kumataré-taré, kamu musti meupu-upusan. Ampa'paan sa kita meupu-upusan, ra'io ka'i kata'néianta eng kakeli ing kameséaan sé niéma' é tou walina ai cita.


Poo-poow sé icaupusku, en surat aipaticku anio' ai camu, suratkuo ing karua. Asé rua surat aipaticku itu, aku rumaméji méé tata'néi e muka' im paweroten iow wosama' kamu mengawerot maké i ngaas weresi.


Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.


Sé tou maarap tanu siitu ai Sia, musti téiranna sumama-sama' eng katouanna wosama' le'nas meputé wo si Kristus itu le'nas.


Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ