Filipi 4:6 - En Taar Weru a nunuwu' é Tontemboan

⁶ Tioo maindé-indé' andumoro' in sapa-sapake' mangé, taan icuao mangé eng kasalé'anmu an sombayangmu a si Amang Kasuruan am pakasa ing kaadaan wo mekiupus ang karapi ing kumua makapulu'sama' ai Sia.

Filipi 4:6 ပူးပေါင်းရင်းမြစ်များ

Matius 10:19

Sa isarakan éra kamu in akimen, tioo kamu maindé' andumoro' in sapa si musti icua miow. Ampa'paan iwéé oka mai i Amang Kasuruan ai camu sapa si musti icua miow asi témpo itu.

Matius 13:22

En lulumbo sé rumongkor an unér in dukut tutunéan en itu meputé wo sé tou ilumingao in taar, taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan. Pakasa en itu méma' iséra ra'ica iméé rékén asi taar itu akar ra'ica imua'.

Matius 6:34

Anaé, tioo kamu maindé-indé' andumoro' si endo woondo, ampa'paan si endo woondo awéan eng kaindé-indé'ana in esa. Eng kasusaan sangando aweske' in sangando.”

Matius 6:8

Anaé, tioo kamu kaputé éra, ampa'paan ra'ipé' pinangilek iow a si Amang Kasuruan, kinailekan-Nao sapa em paperlun iow.

Lukas 10:41

Taan sia sinowatke' i Apo' Yesus, “Marta, Marta, ico asalo maindé-indé' wo sumusa in owak in esa kerapi ing keli tawoien.

Lukas 12:22

Icua i Yesus a sé murit-Na, “Ampa'paan in itu icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow, wo tioo maindé-indé' andumoro' in owak iow, andumoro' in sapa em pakén iow.

Lukas 12:29

Anaé, tioo kamu maindé-indé' wo ra'io makaaté in sama' andumoro' in sapa eng kanen oka miow kuma'pa en elepen oka miow.

Lukas 18:1

Icua i Yesus esa andéan a sé murit-Na en sumusui séra wosama' ra'ica mengasuut mengasombayang a si Amang Kasuruan.

Lukas 18:7

Sa si akim si marapitke' itu ro'na méla im perkara i wéwéné balu itu, wopé'taré si Amang Kasuruan, tantu tawangen-Na oka sé tou sinisir-Nao in esa sé meki-kiupus ai Sia endo wo em bengi. Wo makala'us tawangen-Na wo ra'ica ipauré-uré.

1 Korintus 7:21

Sa kamu ata an tutuw tinowa i Amang Kasuruan e maéman a si Kristus, en itu ra'ica sapa-sapa. Taan sa kamu makéré kaloasan e mamuali tou ra'ica pakakawasan é tou walina, pakén iow eng kaloasan itu mamuali tou ra'ica pakakawasan é tou walina.

1 Korintus 7:32

En icasalé'ku wosama' kamu ra'ica maindé-indé' murus ing katouan iow. Em paangé-angénku tana'i: Sé tuama ra'ica wana penanaan, memero-meroto mangé andumoro' si Casuruan wosama' sia maarui si Casuruan.

2 Korintus 1:11

Pekiupusen ami ai camu atasanai in sombayang wosama' si Amang Kasuruan tumawang icami. Wo in taniitu sowaten i Amang Kasuruan en somba-sombayang akar keli en tou kumua makapulu'sama' a si Amang Kasuruan ampa'paan ing kamang sé tinerima ami wo ampa'paan in sombayang é tou keli.

Efesus 5:20

Mengua-nguao mangé i makapulu'sama' am baya-waya a si Amang Kasuruan, Amangta, ang karapi i ngaran i Yesus Kristus Apo'ta.

Efesus 6:18

Émaano mangé waya en itu ang karapi i masombayang susur in oras wo mangileko mangé a si Amang Kasuruan ang karapi im pakaakinen i Roh Le'nas. Menomba-nombayango mangé, wo tatapke' matéi-téir am pakasa in témpo wo tioo mento' taan tatapke' masombayang. Susur iow in sumombayang, ipengasombayang angé waya sé tou le'nas.

Kolose 3:15

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Kolose 4:2

Masombayango mangé in re'dem kamu ang karapi im bewerot weresi wo ka'i makua mangé i makapulu'sama' a si Amang Kasuruan.

1 Timotius 2:1

Kataré-taré sina'uenku kamu mekiupus angé an sombayang wo ipasombayang angé ka'i sé tou walina wo mengawéé mangé i makapulu'sama' a si Amang Kasuruan torona é pakasa in tou,

1 Timotius 5:5

Si balu wéwéné si ra'ica wana toyaang wo ra'ica wana poyo' en suma'li, sia asalo mamangén a si Amang Kasuruan. Endo wo em bengi sia menomba-nombayang meki-kiupus a si Amang Kasuruan.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Petrus 5:7

Isarakano mangé ai Sia pakasa eng kaindé'anmu, ampa'paan Siao si makatéir icamu.