Filipi 4:11 - En Taar Weru a nunuwu' é Tontemboan

¹¹ En icuaku anio' ra'ica ampa'paan ing kaperluanku ra'ipé' maawes, ampa'paan aku manaramo menonou asi sapake' si awéan a yaku.

Filipi 4:11 ပူးပေါင်းရင်းမြစ်များ

Lukas 3:14

Wo awéan ka'i sé suraro am bitu mamuéi a si Yohanes, “Tambisa andumoro' icami, sapa si musti émaan ami?” Isowatna, “Tioo kamu mesusa sé tou torona makéré kauntu- ngan wo tioo mengaandét in doit é tou wo matudu sé ra'ica wutul ai séra. Taan takurake' eng kéréan iow asi laasa in tinawoi miow terimano mangé en itu.”

2 Korintus 11:27

Yaku ra'ica mento' menawo-nawoi akar i makepé, yaku makakeli-keli ra'io matekel, ra'io makan, ra'ica maelep, makakeli-keli ka'i ra'io wana kakanen, kautingan ampa'paan eng karai ra'ica maawes.

2 Korintus 6:10

Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

2 Korintus 9:8

Si Amang Kasuruan makawoo tumambérai ing kamang kumeli-keli ai camu, akar sé paperlun iow am baya-waya imaaweso. Wo in taniitu lébé kawooan iow méma' im pakasa sé loor.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

Ibrani 10:34

Mémang kamu kumiito mendam ing kawenduan é tou sé pakabuin. Wo an tutuw pakasa ing kasiyaan iow niandét, kamu maaru-aruike' ampa'paan kailekan iow sapaoka kamu in esa makaanu ing kasiyaan si lumoorai wo tumang akar ing kauré-uré.