Filipi 3:18 - En Taar Weru a nunuwu' é Tontemboan

¹⁸ Icuaku in taniitu, ampa'paan awéan e mangémai akar en atéku wendu keli. Tanu sé makakeli-kelio aicuaku ai camu ang karapi i maamé', ita'néiku ai camu sapaoka intarépé' keli tou imangaku séra makiit si Kristus, taan séra ra'ica menonou makiit in sususuien i Kristus si maté ang kayu salip en tumu'bus ing kamesé-meséaanta!

Filipi 3:18 ပူးပေါင်းရင်းမြစ်များ

Lukas 19:41

An tutuw i Yesus makatawio in Yerusalem wo sérén-Na eng kota itu wo amé'an-Na.

Kisah Para Rasul 20:19

Ang karapi ing kako'kosan in até aku sumelewir si Casuruan wo makakeli-keli aku maamé' wo keli mamendam im pangepé'an ampa'paan sé tou Yahudi maaté-até in léwo' e maté yaku.

Roma 9:2

sapaoka en atéku susa keli wo tatap mawendu ampa'paan sé tou Israel tou ra'ica maéman a si Yesus.

1 Korintus 1:18

En abar andumoro' i Kristus imaté ang kayu salip itu nianggap ra'ica wana torona é tou sé maangé am papaté. Taan kita sé makéré ing kalowiran i Amang Kasuruan, en abar andumoro' im papaté i Kristus itu, siituo en tumuru' si Amang Kasuruan makakawasa.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

2 Korintus 11:13

Ampa'paan sé tou tanu siitu, sérao sé ruru'du'an ra'ica wutul. Séra matawoi mauwak ang karapi i mengaéma' in owak tanuoka woo ruru'du'an i Kristus.

2 Korintus 11:29

Sa linganku awéan tou an jamaat ra'ica keter, yaku ka'i makapendam ra'ica keter. Sa linganku awéan tou icasangkil ang kamesé-meséaan, en atéku tanuoka makateri-teri ampa'paan im bendu.

2 Korintus 2:4

An tutuwku imatic in surat indior ai camu, yaku uli-ulit ra'ica makaaté in sama' wo mawendu wo makakeli-keli mengamé-ngamé'. An tutuw itu ra'ica kiimku méma' icamu mawendu ampa'paan in surat itu, taan en icasalé'ku wosama' kailekan iow, yaku uli-ulit mengaupus icamu.

Galatia 1:7

En ulitna ra'ica wana lalan walina e makéré ing kalowiran. Taan kamu tinawéro é tou sé mengalicoko icamu ang karapi in sususuien andumoro' in abar sé mengasélé'kow. Em peangé-angén éra en sumali'si' in Abar Kaaruien andumoro' i Yesus Kristus si pakua ami.

Galatia 2:14

An tutuwku suméré im peri éra itu ra'io mensomaan wo in sususuien in Abar Kaaruien andumoro' i Yesus Kristus wo an dior é tou keli cuaku a si Kefas, “Ico tou Yahudi, taan ko menonou kaputé é tou ra'ica Yahudi wo ra'ica menonou tanu tou Yahudi. Sa taniitu, kéitu réén ko masalé' lumesé' sé tou ra'ica Yahudi menonou kaputé é tou Yahudi?”

Galatia 2:21

Ra'ica icélongku en upus aitambér i Amang Kasuruan. Ampa'paan sa awéan tou sé nianggap wutul an dior-Na ampa'paan makiit in ukum Torat, tantu em papaté i Kristus ra'ica wana en torona.

Galatia 5:21

kokanat, malangu-langu, wo pésta ing kuman wo mengele-ngelep sé pakalangun wo pakasa sé léwo'. Andumoro' in itu aicuakuo indior, wo intarépé' ita'néiku sumawel: Sé tou menonou tanu siitu ra'ica makéré im bagéan ang Kakolanoan i Amang Kasuruan.

Galatia 6:12

Sé tou Yahudi sé masalé' mengapaturu-turu' in owak andumoro' sé kaséréan, séra rumaméji lumesé' icamu in sunaten kumiit in ukum Torat. Émaan éra in tanu siitu wosama' ra'ica okoien. Ampa'paan séra okoien oka é kakélé tou Yahudi sa séra asalo masusui andumoro' im papaté i Kristus ang kayu salip taan ra'ica masusui andumoro' in atoran sunat.

Galatia 6:14

Taan aku wutu-wutul ra'ica masalé' rumayo in sapa-sapake', si casalé'ku irayo asalo papaté i Apo'ta Yesus Kristus ang kayu salip. Ampa'paan tutuw i Yesus imaté ang kayu salip, pakasa sé kasalé'an in owakku sé léwo' imatéo ang kayu salip-Na, wo aku tanu imatéo asé kasalé'anku in léwo'.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

Filipi 1:4

Wo susurku in sumombayang torona icamu im baya, ipasombayangku ang karapi in arui en até.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

2 Tesalonika 3:11

Icua ami en anio' ampa'paan liningao ami sapaoka an uner iow awéan sé tou weles, ra'ica kiim tumawoi. Séra itu masalé'ke' marambé-rambét in urusan é tou walina.

2 Petrus 2:10

Wo eng kataré-taré akimen-Na, sé tou sé asalo makiit ing kasalé'an in owak sé ra'ica wutul ampa'paan kasalé'an in esa wo maroros ing kawasa i Amang Kasuruan. Sé guru ra'ica wutul itu ra'ica wana eng kaindé'an wo tirayo akar séra ra'ica maindé' maroros pakasa sé menonou an sorga sé iparayo wo pasiriin.

Yudas 1:13

Séra itu tanuoka in sempa' wangker si tumela'u in lewa' wo i noo an ta'sic. Séra itu ka'i tanuoka sé sumesendot sé ra'ica metu'tul si asalo mengéra-ngéra en tampana. En tampa é tou itu tinu'tulo i Amang Kasuruan asi tampa uli-ulit riréimbeng akar ing kauré-uré.