Filipi 3:13 - En Taar Weru a nunuwu' é Tontemboan

¹³ Poo-poow, yaku in esa ra'ica maanggap sapaoka eng katouanku mamualio kaputé ing katouan i Kristus Yesus. Taan awéan esa si niéma'kuo: ailupakuo sapa sé sumangkumo niéma'ku indior wo rumaméji makéré sapa si an diorku.

Filipi 3:13 ပူးပေါင်းရင်းမြစ်များ

Lukas 10:42

En ulitna, si musti émaan iow wayake' in esa. Si Maria isumisiro si loor am bagéanna, si ra'ica toro indon ai sia.”

Lukas 9:62

Wo isowat i Yesus a si tou itu, “Sé tou mapajéko ra'ica toro maréng in somoi. Eng kaangéanna tana'i, sé tou makiit Yaku tioo memero-merot in andumoro' sé walina, sa memero-merotke' in tanu siitu, ra'ica patus mamuali tou ang Kakolanoan i Amang Kasuruan.”

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Filipi 3:12

Yaku ra'ica kumua sapaoka eng katouanku mamualio kaputé ing katouan i Kristus Yesus kuma'pa eng katouanku makakii-kiito. Taan aku tatap rumaméji wosama' aku ro'na menonou kaputé ing katouan-Na ampa'paan yaku sinisir-Nao mamuali anu-Na.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

Ibrani 6:1

Ampa'paan in ituo, mayoo tela'uta em patuuran in sususuien en andumoro' i Kristus wo melala'uso in sususuien si rumangka'mai wosama' em paémanenta makaketer. Tioo penguri-ngurin em patuuran in sususuien itu, tanumai sususuien in andumoro' i mape'dis mengéma-ngéma' in léwo', wo sususuien in andumoro' tumambisa maéman a si Amang Kasuruan,

2 Petrus 3:8

Taan é poo-poow sé icaupusku, awéan esa si musti pena'né-na'néien iow sapaoka am beren i Amang Kasuruan sangando meputé in sangariwu ngata'un, kuma'pa sangariwu ngata'un meputé wo en sangando.