Filipi 2:5 - En Taar Weru a nunuwu' é Tontemboan

⁵ Em peri miow musti meputé wo im peri i Kristus Yesus.

Filipi 2:5 ပူးပေါင်းရင်းမြစ်များ

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Lukas 22:27

Wuéien-Ku ai camu, si séi réén en lébé wangko', si tou ilumukut icuman kuma'pa si tou maselewir? Tantu si tou ilumukut icuman to? Taan Yaku ra'ica tanu siitu, an tutuw-Ku an uner iow, Yaku maselewir ai camu.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 20:35

Pakasa sé niéma'kuo itu, mééo esa tuus ai camu sapaoka ang karapi in tumawoi le'tek tanu siitu, ro'na sémbonganta sé tou lembi. Wo musti ta'néienta si aicua i Apo' Yesus in tana'i, ‘Lébé arui mengawéé wotaré mengaterima.’ ”

Roma 14:15

Wo sa eng kakanen si paanggapen i poow iow an esa paémanen itu ra'ica toro kanen, wo kanen iow an diorna, en itu niéma'o miow sia sumakit en até. Eng kaangéanna, kamu ra'io menonou kumiit ing kaupusan. Anaé, tioo kamu maéma' im paémanen i poow iow an esa paémanen icasélé'kow ampa'paano ing kakanen iow, ampa'paan si Kristus matéo torona ka'i sia.

Roma 15:3

Ampa'paan si Kristus ka'i ra'ica mangéré-ngéré ing kaaruian in owak-Na in esa. Ang Kitap Le'nas aipatic in tana'i, “Nunuwu' iparoros é tou an tutuw séra mengaroros si Amang Kasuruan, intarépé' itumenao a Yaku.”

Roma 15:5

Pekiupusenku woo a si Amang Kasuruan, si palemboian ing katalesenan wo ing kaketeran im paémanen, tumambérai ing kaeluran ai camu kiit ing kasalé'an i Kristus Yesus.

1 Korintus 10:33

Menonouo mio' kaputéku. Raméjinku marui in até é tou am baya-waya. Yaku ra'ica mangéré ing kalooranku in esa, taan aku mangéré ing kalooran é tou keli wosama' séra ro'na lowiren.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

Filipi 1:1

En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.

1 Petrus 4:1

Ampa'paan si Yesus Kristus imendamo ing kawenduan an owak-Na, kamu ka'i musti kumeter in até miow wosama' kamu mawerot meputé im pakawerot i Kristus. Ampa'paan si tou imendamo ing kawenduan an owakna, tantu sia ra'io kiim ka'i méma' ing kamesé-meséaan.

1 Yohanes 2:6

Si séike' mangé si mengakua sa sia imeesao wo si Casuruan, em pakatouna ka'i musti meputé wo im pakatou i Kristus.