Filipi 2:4 - En Taar Weru a nunuwu' é Tontemboan

⁴ Maweroto mangé sapa sé loor torona é tou walina. Tioo asalo mawerot sapa sé loor torona in owak in esa.

Filipi 2:4 ပူးပေါင်းရင်းမြစ်များ

Matius 18:6

“Sa awéan tou iméma' esaan asé toyaang teké' tanu si anio' sé maémano a Yaku akar sé toyaang itu méma' ing kamesé-meséaan, aweso taré eng kolot i tou itu wa'kesan im batu wangker wo itinep an ta'sic.

Roma 12:15

Maaru-aruio mangé mewali-wali wo sé tou maaru-arui, wo maamé'o mangé mewali-wali wo sé tou maamé'!

Roma 15:1

Kita sé ketero em paémanen, musti talesen a sé tou sé ra'ipé' keter em paémanen. Tioo kita mangéré-ngéréke' ing kaaruianta in esa.

1 Korintus 10:24

Tioo awéan esaan ai camu mangéré kauntunganna in esa, taan esa wo si esa tou mangéré mangé kauntungan é tou walina.

2 Korintus 11:29

Sa linganku awéan tou an jamaat ra'ica keter, yaku ka'i makapendam ra'ica keter. Sa linganku awéan tou icasangkil ang kamesé-meséaan, en atéku tanuoka makateri-teri ampa'paan im bendu.

2 Korintus 6:3

Ra'ica kiim ami en tawoien ami pawéan meséa'. Ampa'paano in itu kami rumaméji ra'ica méé alasan a si séike' e méé kaséaan an tawoien ami.

Filipi 2:21

Sé tou walina asalo mangéré ing katoronaan éra in esa, em paérén éra ra'ica ing katoronaan i Yesus Kristus.

Yakobus 2:8

Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.