Filipi 2:30 - En Taar Weru a nunuwu' é Tontemboan

³⁰ ampa'paan si Epafroditus misio maté an tawoien maselewir in tawoien i Kristus. Aipetaruna en owakna en tumawang yaku tanu sawel iow ampa'paan kita mentayangan.

Filipi 2:30 ပူးပေါင်းရင်းမြစ်များ

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Roma 16:4

Séra in dua misi oka maté an tutuw séra tumawang yaku. Yaku ka'i kumua i makapulu'sama' ai séra in dua, taniitu ka'i pakasa sé jamaat ra'ica tou Yahudi méé ka'i mai i makapulu'sama' ai séra.

1 Korintus 15:53

En owakta si ro'na maté anio' musti sawelan in owak si ra'io ka'i maté, wo si owak si ro'na materi anio' musti sawelan in owak si ra'ica ka'i materi.

1 Korintus 16:10

Sa si Timotius maai ai camu, sungkulen iow sia ang karapi in sama' wosama' sia ra'ica mendam i maindé' an tutuwna mewali-wali wo icamu. Ampa'paan sia maselewir in tawoien i Casuruan, kaputéku.

1 Korintus 16:17

Yaku arui keli an tutuw si Stefanus, si Fortunus wo si Akhaikus sé ang Korintus owo mayo am bia'i. Ampa'paan intarépé' séra am biao, yaku mendam tanu aku mewali-wali wo icamu.

2 Korintus 12:15

Anaé, ang karapi in arui en até icasalé'ku maké im pakasa sé a yaku en isumelewir icamu, lébé-lébé eng katouanku in esa ka'i icasalé'ku iwéé ai camu. Kamu icaupusku keli, kéitu réén makaina'ke' en upus iow a yaku?

2 Korintus 4:12

Anaé, penaru-narun ami em papaté, ampa'paan in itu icamu makéré ing katouan akar ing kauré-uré.

Filipi 2:17

Tumo'tolke' mai asi kataré an tutuwku kumua in Abar Kaaruien ai camu, kamu mapercaya a si Apo' Yesus wo isumarakano ing katouan iow e maéma' ing kasalé'an-Na. Anaé, mandé ka'i aku ukumen patén ampa'paan in tawoienku e mengakua in Abar Kaaruien andumoro' i Yesus Kristus ai camu, en itu ra'ica sapa-sapa. Yaku kasake' kumua imakapulu'sama' a si Amang Kasuruan wo maaru-arui oka mewali-wali wo icamu.

Filipi 2:27

Wutul sia sumakit wo misi oka maté, taan si Amang Kasuruan tumuru'o ing kaupusan-Na ai sia akar imasama'. Taniitu ka'i si Amang Kasuruan tumuru'o mai ing kaupusan-Na a yaku akar eng kawenduan in atéku ra'io mengawe-ngawes.

Filipi 4:10

Yaku arui keli a si Casuruan, ampa'paan aituru'o miow sumawel e mawéé rékén a yaku, akar icumirimo mai ing kaperluanku. Wutul indioré'wo icamu mawéé rékén a yaku, taan icamu ra'ica wana témpo en tumawang yaku.

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.

Filemon 1:13

En ulitna icasalé'ku woo en tumang sia am bia'i, wosama' sia ro'na sumawel ico maselewir a yaku ang kauréku an untep im bui ampa'paan makua in Abar Kaaruien i Yesus Kristus.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.