Filipi 2:26 - En Taar Weru a nunuwu' é Tontemboan

²⁶ Icasalé'ku sia yutus angé sumawel, ampa'paan icamu im baya lelonna keli wo en aténa ka'i mendam in susa ampa'paan pinalingao miow sapaoka sia sumakit.

Filipi 2:26 ပူးပေါင်းရင်းမြစ်များ

Matius 11:28

Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian.

Matius 26:37

Wo iwali i Yesus si Petrus wo sé rua toyaang i Zebedeus kumiit ang karapi-Na. Sia tumo'tolo mapendam im bendu wo ra'io makaaté in sama'.

Kisah Para Rasul 21:13

Taan sinowatke' i Paulus, “Kéitu réén kamu maamé' taniitu? Kamu iméma'o in atéku mawendu. Sapake' e mamuali an Yerusalem, yaku tu'tulo, ra'ica im ba'kesenke' taan ka'i tu'tulo i maté ampa'paan i Apo' Yesus.”

Roma 1:11

Ampa'paan icasalé'ku keli meta'up wo icamu wo méé ing kamang si pasusui i Roh i Amang Kasuruan a yaku, wosama' em paémanen iow makakete-keter.

Roma 12:15

Maaru-aruio mangé mewali-wali wo sé tou maaru-arui, wo maamé'o mangé mewali-wali wo sé tou maamé'!

Roma 9:2

sapaoka en atéku susa keli wo tatap mawendu ampa'paan sé tou Israel tou ra'ica maéman a si Yesus.

1 Korintus 12:26

Anaé, sa esaan sé an owak mawendu, pakasa sé an owak itu ka'i kumiit mawendu. Sa esaan sé an owak makéré rarayoan, pakasa sé an owak ka'i maarui.

2 Korintus 9:14

Wo kamu isombayang wo lelon oka éra, ampa'paan séra isuméré in upus aitambér i Amang Kasuruan si lumepe- lepet ai camu.

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Efesus 3:13

Ampa'paan in ituo pangilekenku kamu tioo mateké' en até iluminga andumoro' ing kawenduanku. Kamu ro'na tumirayo ampa'paan aku mawendu torona ing kalooran iow.

Filipi 1:3

Susurku in tuma'néi icamu, pengakuaku mangé i makapulu'sama' a si Amang Kasuruanku.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 2:25

Wo anggapenku ka'i perlu yutus angé sumawel si Epafroditus ai camu si aicirim iow en sumelewir ing kaperluanku. Sia imamuali poow an esa paémanen wo katawoiku mengakua in Abar Kaaruien andumoro' i Yesus Kristus wo mewali-wali maraméji méma' in tawoien si airu'du' i Amang Kasuruan.

Filipi 2:27

Wutul sia sumakit wo misi oka maté, taan si Amang Kasuruan tumuru'o ing kaupusan-Na ai sia akar imasama'. Taniitu ka'i si Amang Kasuruan tumuru'o mai ing kaupusan-Na a yaku akar eng kawenduan in atéku ra'io mengawe-ngawes.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

1 Petrus 1:6

Ampa'paan in ituo maaru-aruio mangé, mandé ka'i intarépé' awéan en témpona kamu musti mawendu ampa'paan sumangkum ing kumeli-keli pangepé'an.