Filipi 2:21 - En Taar Weru a nunuwu' é Tontemboan

²¹ Sé tou walina asalo mangéré ing katoronaan éra in esa, em paérén éra ra'ica ing katoronaan i Yesus Kristus.

Filipi 2:21 ပူးပေါင်းရင်းမြစ်များ

Matius 16:24

Wo icua i Yesus a sé murit-Na, “Si séike' e masalé' kumiit Yaku, sia musti sumangkal in owakna, muléng in salipna wo kumiit Yaku.

Lukas 14:26

“Sa si esa tou uli-ulit kumiit Yaku, sia musti uli-ulit maupus Yaku lumébémai ing kaupusanna a si amangna wo si inangna, a si penanaan i tuama, a sé toyaangna, a sé poo-poowna wéwéné kuma'pa tuama wo ka'i lumébémai ing kaupusanna an owakna in esa. Sa sia ra'ica mengaupus Yaku tanu siitu, sia ra'ica toro mamuali murit-Ku.

Kisah Para Rasul 13:13

Wo itela'u i Paulus em Pafos am pulou Siprus, sia wo sé kara-karapina suméngkot angé am Perga an sangkum im Pamfilia. Taan tela'u i Yohanes séra wo sia maréng angé an Yerusalem.

Kisah Para Rasul 15:38

Taan sia rinomaanke' i Paulus sapaoka, ra'ica loor e maali si tou si sumangkumo tumela'u iséra am Pamfilia wo ra'ica kiim tumawoi mewali-wali wo iséra.

1 Korintus 10:24

Tioo awéan esaan ai camu mangéré kauntunganna in esa, taan esa wo si esa tou mangéré mangé kauntungan é tou walina.

1 Korintus 10:33

Menonouo mio' kaputéku. Raméjinku marui in até é tou am baya-waya. Yaku ra'ica mangéré ing kalooranku in esa, taan aku mangéré ing kalooran é tou keli wosama' séra ro'na lowiren.

1 Korintus 13:5

Sia ka'i ra'ica mengaéma' sé ra'ica sumoma wo ra'ica maéré ing kasalé'- an in owakna in esa. Sia ra'ica taporak mae'bow wo ka'i ra'ica ipaéma'na an até eng kameséaan é tou walina.

2 Korintus 1:5

Keliano eng kawenduan sé pinendam ami mai tanu ing kawenduan si pinendamai i Kristus. Wo ampa'paano i Kristus kami makéré im pangiboran sé kumeli-keli.

Filipi 2:4

Maweroto mangé sapa sé loor torona é tou walina. Tioo asalo mawerot sapa sé loor torona in owak in esa.

2 Timotius 1:15

Timotius, tantu kailekanmuo sa pakasa in tou an Asia Teké' itumela'uo yaku, tanumai si Figelus wo si Hermogenes.

2 Timotius 3:2

Wo asé endo itu ka'i, sé tou asalo oka mengaupus in owak éra in esa wo mamuali ata in doit. Séra mengatowo oka wo mengatirayo in owak éra in esa, mengawuruk i ngaran é tou. Séra mengasundur sé matu'a, ra'ica makailek mengawéé i makapulu'sama' wo ra'ica mapandung i mengaapo' a si Casuruan.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

2 Timotius 4:16

An tutuw ing kataré-taré aku méla in owakku am pengadilan, ra'ica wana esaan angé asé tou en tumawang yaku. Pakasa in tou tumela'uo yaku. Taan pangilekenku a si Casuruan wosama' ra'ica ukumen-Na séra.