Filipi 2:20 - En Taar Weru a nunuwu' é Tontemboan

²⁰ Ra'ica wana tou tanu si Timotius, si esa até wo esa wewerot wo yaku. Sia wutu-wutul mawéé rékén ing katoronaan iow.

Filipi 2:20 ပူးပေါင်းရင်းမြစ်များ

Yohanes 10:13

Si tou itu tumincas ampa'paan sia asalo pate'tekan, wo ra'ica pandungenna sé domba itu.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Roma 15:5

Pekiupusenku woo a si Amang Kasuruan, si palemboian ing katalesenan wo ing kaketeran im paémanen, tumambérai ing kaeluran ai camu kiit ing kasalé'an i Kristus Yesus.

1 Korintus 16:10

Sa si Timotius maai ai camu, sungkulen iow sia ang karapi in sama' wosama' sia ra'ica mendam i maindé' an tutuwna mewali-wali wo icamu. Ampa'paan sia maselewir in tawoien i Casuruan, kaputéku.

Filipi 2:2

Anaé, émaano mai en atéku wutu-wutul mendam in arui, ang karapi iméma' in tana'i; menonou angé kamu ang karapi in esa até, esa upus, esa wewerot wo esa en angéan.

Filipi 2:22

Taan kailekano miow eng kale'tekan i Timotius kinaujiano. Sia sumémbongo mai a yaku an tutuw imengua-ngua in Abar Kaaruien, tanu si esa toyaang masémbong a si amangna.

Kolose 4:11

Si Yesus si patowan éra Yustus, méé ka'i mai in siri' ai camu. An uner é tou Yahudi am bia'i sé maémano a si Yesus Kristus, wayake' séra in telu sé matawoi ang karapiku torona ing kakolanoan i Amang Kasuruan. Séra wutu-wutul e miboro yaku.

1 Timotius 1:2

Ico é Timotius uli-ulit toyaangku am paémanen. Pangilekenku a si Amang Kasuruan wo si Kristus Yesus Kasuruanta, tumambérai ing kamang, tumuru' mai ing kaupusan wo méma' ing katouanmu elur.

1 Timotius 4:6

Timotius, sa sé aisusuiku itu icuamu waya a sé poo-poow esa paémanen, ico imamualio ata maselewir in loor a si Kristus Yesus. Wo kete-ketereno mangé en atému ang karapi i nunuwu' i Amang Kasuruan si paémanenta wo karapi in sususuien wutul sé kiniitmuo mai akar intarépé'.

2 Timotius 1:5

Kata'néianku ka'i sapaoka ko wutu-wutul maéman a si Kristus, kaputé wo si nénému Lois wo si inangmu Eunike si rioro maéman a si Kristus.

2 Timotius 3:10

Taan ko é Timotius, makaileko sé aisusuiku, em periku, em pendirianku, tambisa aku maéman a si Yesus, eng katalesenanku, en upusku a sé tou wo eng kale'tekanku mengaéma' in tawoienku.