Filipi 2:12 - En Taar Weru a nunuwu' é Tontemboan

¹² Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Filipi 2:12 ပူးပေါင်းရင်းမြစ်များ

Matius 11:12

Tumo'tol i Yohanes Mabaptis imai akar intarépé', keli en tou wutu-wutul rumaméji kumua in andumoro' ing Kakolanoan in Sorga wo sé tou wutu-wutul rumaméji muntep ang Kakolanoan in Sorga.

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Kisah Para Rasul 16:29

Kelinga in itu, si capala im bui rumu'du' tou maali palaab. Wo sia tuméron angé an untep im bui, ang karapi i mege'ge-ge'ger sia kumundu an dior i Paulus wo si Silas.

Kisah Para Rasul 9:6

Taan intarépé' tumulungo ko wo muntepo an Damsyik. A mangé mbitu awéan oka eng kumua ai co, sapa si musti émaanmu.”

Roma 2:7

Sé tou le'tek mengaéma' sé loor sé masalé' makéré i rarayo wo in sisiri' wo ing katouan sé ra'ica maka'pu, séra wéan-Na oka ing katouan akar ing kauré-uré.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

1 Korintus 4:14

Aipaticku en anio' ai camu, taan ra'ica kiimku mapalawi' icamu. Aipaticku en anio' asaloke' sumina'u ai camu ampa'paan kamu caupusku, tanu toya-toyaangku in esa.

2 Korintus 7:15

Intarépé' makaaweso eng kaupusanna ai camu, ampa'paan sia makata'néi tambisa kamu im baya le'tek maéma' sapa sé pinangilekna wo ka'i tambisa kamu tumerima sia ang karapi wuta in siri'.

Efesus 6:5

Éi ata-ata, kiitenno mangé em perénta i tuang iow ang kayo'baan anio'. Selewiran angé si tuang iow ang karapi in siri' wo maindé' mangé ang karapi in lekep en até, kaputé kamu mengaselewir a si Kristus.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 1:29

Ampa'paan kamu tinambérano mai ing kamang i Amang Kasuruan ra'ica asaloke' maéman a si Kristus taan ka'i imawendu ampa'paan maéman ai Sia.

Filipi 1:5

Pengakuaku i makapulu'sama' a si Amang Kasuruan, ampa'paan tumo'tolke' mai asi endo kataré kamu luminga in Abar Kaaruien in andumoro' i Yesus Kristus akar intarépé', kamu tumawango in tawoienku mengakua in Abar Kaaruien.

Filipi 1:6

Si Amang Kasuruan in esao en tumo'tol in tawoien loor itu an uner iow, anaé wutu-wutul percayanku ilala'us-Na oka en tawoien anio' akar asi endo i Kristus Yesus maai sumawel.

Filipi 2:19

Em paarapenku sa woo énannai i Apo' Yesus, icala'usku yutus angé si Timotius ai camu. Ampa'paan aku mendam oka in arui sa sia maréngomai sumawel wo maali mai in abar andumoro' icamu.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

Filipi 4:15

Poo-poowku tou Filipi, an tutuwku in tumela'u icamu a Makedonia wo aku tumo'tolo kumua in Abar Kaaruien andumoro' i Yesus Kristus an tampa walina, ra'ica wana jamaat mandé in esake' e méé in tatawang a yaku, wayake' icamu.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

2 Timotius 2:10

Ampa'paan in iituo aku talesen mengawuléng ing kawenduan itu wosama' sé tou sinisiro i Amang Kasuruan ro'na maéman a si Kristus Yesus wo makéré ing kalowiran ang karapi i rarayo wo in sisiri' akar ing kauré-uré.

Ibrani 12:1

Tumo'tolke' mai indior, keli en tou sé imamuali sairi im paémanen éra torona icita. Kita pakali'ciren é tou keli itu tanuoka ing kambung makali'cir icita. Ampa'paan in ituo mayoo tiya'ta waya em pamuléngen wo ing kamesé-meséaan si makaléngkété' ai cita, wo kasake' talesen am pekowaan si pakasarunta.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

Ibrani 4:11

Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.