Filipi 2:11 - En Taar Weru a nunuwu' é Tontemboan

¹¹ wo séra im baya mangaku sapaoka si Yesus Kristus itu Kasuruan. Wo in taniitu, si Amang Kasuruan Amangta em parayo wo pasiriin.

Filipi 2:11 ပူးပေါင်းရင်းမြစ်များ

Matius 10:32

Si séi e mangaku an dior é tou sapaoka sia makiit Yaku, pangakun-Ku oka ka'i sia tou-Ku an dior i Amang-Ku an sorga.

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

Yohanes 12:42

Mandé in taniitu, kelike' asé kikiiten é tou Yahudi mercaya a si Yesus. Taan ra'ica kiim éra mangaku im paémanen a sé tou, ampa'paan caindé' éra péronen é tou Farisi e muntep am balé paapo'an é agama Yahudi.

Yohanes 13:13

Pengatowan iow Aku ‘Guru’ wo ‘Tuang’, si patowa miow itu wutul ampa'paan Yakuo si Guru wo Tuang.

Yohanes 13:14

Anaé, sa Aku Tuang wo Guru miow imu'aso ing kécéi iow, kamu ka'i musti membu'asan angé ing kécéi.

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 17:1

Kekawusai i Yesus kumua im pakasa in itu, Sia kumanat angé an langit wo sumombayang, “O Amang, an témponao! Irayoo wo siriino mai si Toyaang-Mu, wo in taniitu si Toyaang-Mu ka'i ro'na rumayo wo sumiri' Si Amang.

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Yohanes 5:23

Niéma' i Amang taniitu wosama' pakasa en tou sumiri' si Toyaang-Na kaputé éra sumiri' si Amang. Si séike' si ra'ica sumiri' si Toyaang-Na, sia ka'i ra'ica sumiri' si Amang si mutusai si Toyaang.

Yohanes 9:22

Sé matu'ana icumua in taniitu, ampa'paan icaindé' éra sé kikiiten é tou Yahudi itu. Ampa'paan sé kikiiten é tou Yahudi imeesao, si séike' e mangaku si Yesus itu Mesias, séra itu ra'io toro muntep am balé paapo'an é agama Yahudi.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 2:36

Ampa'paano in itu pakasa sé tou Israel musti wutu-wutul makailek sapaoka si Yesus si aipaku miow ang kayu salip itu, Siao si niangkai i Amang Kasuruan mamuali Kasuruan wo Kristus.”

Roma 14:11

Ang Kitap Le'nas awéan aipatic in tana'i, “Yaku si Amang Kasuruan, Yaku wutu-wutul menonou, wo pakasa en tou maai oka kumundu rumayo wo sumiri' an dior-Ku, wo pakasa en tou mangaku oka sapaoka Yakuo si Amang Kasuruan.”

Roma 14:9

Si Kristus imatéo wo itumou sumawel, wosama' Sia mamuali Kasuruan é pakasa in tou sé menonoué' wo sé imatéo.

Roma 15:9

Wo si Kristus mai ang kayo'baan torona ka'i é tou ra'ica Yahudi, wosama' séra ro'na rumayo wo sumiri' si Amang Kasuruan ampa'paan ing kaupusan-Na ai séra. Ang Kitap Le'nas aipatic in tana'i, “Ampa'paano in itu rayoku oka si Amang Kasuruan an uner é tou ra'ica Yahudi, wo kantarku oka eng kakantaren rarayoan e rumayo i ngaran-Mu.”

1 Korintus 12:3

Ampa'paano in itu, musti kailekan iow sapaoka si tou paakinen i Roh i Amang Kasuruan, sia ra'ica kawisa kumua in tana'i, “Kinutuko si Yesus!” Taniitu ka'i ra'ica wana mandé esake' tou e ro'na kumua “Si Yesus itu Kasuruan” sa sia ra'ica pakaakinen i Roh Le'nas.

1 Korintus 15:47

Si tou kataré-taré niéma' an tana' owo. Taan si Kristus si tou karua, Sia itu a mangé en sorga owo.

1 Korintus 8:6

Taan ai cita anio', si Amang Kasuruan itu wayake' in esa, Siao si Amang si méma' im baya-waya. Torona Siake' kita menonou. Wo ka'i si Casuruan waya in esa, Siao si Yesus Kristus. Ampa'paano Sia em baya-waya niéma' wo ampa'paano Sia kita menonou.

1 Petrus 1:21

Ampa'paan e niéma' i Kristus ituo, kamu maéman a si Amang Kasuruan, Siao en tumou sumawel si Kristus an unér é tou imaté wo ka'i méma' si Kristus iparayo-rayo wo pasiri-siriin. Wo in taniitu em paémanen iow wo em paarapen iow toronake' i Amang Kasuruan.

1 Yohanes 4:15

Si séi e mangaku sa si Yesus itu Toyaang i Amang Kasuruan, si Amang Kasuruan kasake' meesa wo isia wo sia ka'i esa wo si Amang Kasuruan.

1 Yohanes 4:2

Uluren tana'i wosama' ro'na kakailekanta sapaoka e Roh itu Roh i Amang Kasuruan kuma'pa ra'ica: Si tou mangaku sa si Yesus Kristus maai ang kayo'baan mamuali tou, si tou itu makaanu i Roh asi Amang Kasuruan owo.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.