Filipi 1:8 - En Taar Weru a nunuwu' é Tontemboan

⁸ Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 1:8 ပူးပေါင်းရင်းမြစ်များ

Lukas 1:78

Si Amang Kasuruanta itu lumoo-loor wo taupus. Sia mai lumowir icita tanuoka sendot i yéndo i mamoondo,

Roma 1:9

Kamu ipenomba-nombayangku wo si Amang Kasuruano en sairi sapaoka aku uli-ulit mengasombayang torona miow. Siao si Amang Kasuruan si pengaselewiranku ang karapi in lekep en até an tutuwku mengakua in Abar Kaaruien andumoro' i Toyaang-Na.

Roma 9:1

Sapa en icuaku anio' wutul, ampa'paan aku meesao ang karapi i Kristus. Yaku ra'ica matowo. En até weresiku si pakaakinen i Roh Le'nas méé kasairian,

2 Korintus 13:9

Arui kami sa kamu keter, mandé ka'i kami ra'ica keter. Isombayang ami wosama' kamu maréng sumawel menonou wutul.

2 Korintus 6:12

Kami ra'ica tumutuw in até ai camu, taan icamuo en tumutuw in até ai cami.

2 Korintus 7:15

Intarépé' makaaweso eng kaupusanna ai camu, ampa'paan sia makata'néi tambisa kamu im baya le'tek maéma' sapa sé pinangilekna wo ka'i tambisa kamu tumerima sia ang karapi wuta in siri'.

Galatia 1:20

Sapa sé aipaticku ai camu anio' wutul, wo kailekan i Amang Kasuruan aku ra'ica matowo.

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

Filipi 2:1

Kamu kasake' keter ampa'paan kamu meesao wo si Kristus. Wo kamu kinaiborano ampa'paan si Kristus mengaupus icamu. Kamu menonouo am paesaan ampa'paan pakaakinen i Roh Le'nas. Wo kamu ka'i meupu-upusano wo sé kakélé in tou wo awéan eng kaupusan a si esa wo sé walina.

Filipi 2:26

Icasalé'ku sia yutus angé sumawel, ampa'paan icamu im baya lelonna keli wo en aténa ka'i mendam in susa ampa'paan pinalingao miow sapaoka sia sumakit.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

Kolose 2:1

En casalé'ku, wosama' kailekan iow sapaoka uli-ulit uter em paraméjianku en tumawang icamu ang Kolose, wo sé tou an Laodikia wo ka'i pakasa sé tou sé ra'ipé' makatuus yaku an tampa-tampa walina.

Kolose 3:12

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

1 Tesalonika 2:5

Si Amang Kasuruan en sairi ami, kailekan-Na wutul en an untep in até ami. Kailekan iow ka'i in esa kami ra'ica kawisa numuwu' i nunuwuun sé asaloke' mengaarui sé tou, wo kami ra'- ica kawisa mawasa-wasa in lumongi' im baya-waya.

1 Tesalonika 2:8

Ampa'paan ing kaupusan ami ai camu, akar kami arui eng kumua in Abar Kaaruien i Amang Kasuruan ai camu. Wo ra'ica siituke,' kami ka'i arui e méé ing katouan ami ai camu, ampa'paan kamu uli-ulit icaupus ami.

2 Timotius 1:4

Sa aku makata'néi asi endo ilumangkoi, ico imaamé' an tutuwta in dua mentalicuran, siituo aku masalé' woo meta'up sumawel wo ico wosama' aku arui keli.

Filemon 1:12

Intarépé' sia si paupu-upusku itu, iru'du'ku mangé sumawel ai co.

Filemon 1:20

Éi Filemon poowku an esa paémanen, an témponao émaanmu sé pinangilekku ai co. Aruieno mai en atéku ampa'paan im paesaanta a si Kristus.

1 Yohanes 3:17

Sa awéan tou en lumébé mai eng kasiyaanna wo sérénna si poowna menonou ang kawenduan taan ra'ica kiimna in tumawang, tambisa sia makua sia mengaupus si Amang Kasuruan?