Filipi 1:25 - En Taar Weru a nunuwu' é Tontemboan

²⁵ Percayanku kamu maperlupé' yaku, anaé aku tatapke' mento' ang kayo'baan anio' mewali-wali wo icamu im baya wosama' kamu makaketer wo makaarui am paémanen a si Kristus.

Filipi 1:25 ပူးပေါင်းရင်းမြစ်များ

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 20:25

Intarépé' icuaku ai camu sapaoka icamu ra'io meta'up wo yaku. An tutuwku i mewali-wali wo icamu, aicuakuo tambisa e mamuali tou i Amang Kasuruan.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 15:18

Taan aku ra'ica rumayo andumoro' in owakku, en rayoku asaloke' andumoro' sé niéma' i Kristus, akar ro'na iwaliku sé tou ra'ica Yahudi male'tek a si Amang Kasuruan ang karapi i nunuwu'ku wo im pengaémaanku,

Roma 15:29

Kailekanku, sa aku mangé meta'up ang karapi miow, tantu paalianku oka mangé ai camu keli kamang i Kristus.

Roma 5:2

Wo ampa'paan kita maéman a si Yesus, kita imakéré in upus aitambér i Amang Kasuruan. Wo ampa'paan in upus aitambér ituo kita menonou intarépé'. Wo kita maaru-arui ampa'paan makaanu im paarapen sapaoka kita makéré oka bagéan a rarayo wo in sisiri' asi Amang Kasuruan owo.

2 Korintus 1:24

Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

Filipi 1:24

Taan aweso taré aku tatap mento' ang kayo'baan anio' ampa'paan aku paperluné' miow.

Filipi 2:24

Wo percayanku sa woo énannai i Apo' Yesus yaku in esa ka'i makala'us oka mai ai camu.

Filemon 1:22

Wo ka'i tu'tulio' tampa en loséranku am balému, ampa'paan aku maarap, en somba-sombayang iow sowaten i Amang Kasuruan wosama' yaku ro'na maréng angé sumawel ai camu.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.