Filipi 1:23 - En Taar Weru a nunuwu' é Tontemboan

²³ Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.

Filipi 1:23 ပူးပေါင်းရင်းမြစ်များ

Lukas 12:50

Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali.

Lukas 23:43

Icua i Yesus ai sia, “En ulitna icua-Ku ai co, asi endo anio'ke', ico mewali-wali oka wo Yaku an sorga.”

Lukas 8:38

Wo si tou imasama'o itu mekiupus a si Yesus sa woo ro'na énan-Na eng kumiit Sia. Taan sia airu'du'ke' i Yesus maréng, icua i Yesus,

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 14:3

Sa Aku mangém am bitu wo en tampa miow tinu'tul-Kuo, Yaku maai oka sumawel wo makawali icamu maangé an tampa-Ku, wosama' am bisa Aku am bitu ka'i kamu.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Kisah Para Rasul 7:59

Ang karoro'an éra i mawangkil si Stefanus, sia sumombayang, “O Apo' Yesus, terimano mangé e rohku.”

2 Korintus 5:8

ampa'paan in ituo en até ami talesen. Icami lébé masalé' icawekar asi owak ami anio' wo mento' ang karapi i Amang Kasuruan.

2 Korintus 6:12

Kami ra'ica tumutuw in até ai camu, taan icamuo en tumutuw in até ai cami.

Filipi 1:24

Taan aweso taré aku tatap mento' ang kayo'baan anio' ampa'paan aku paperluné' miow.

1 Tesalonika 2:1

Poo-poow! Kailekan iow sapaoka awéanke' en torona an tutuw ami mai ai camu.

1 Tesalonika 2:13

An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.

1 Tesalonika 4:17

Kekawus in itu, kita sé menonoué' asi témpo itu, angkaien oka i Amang Kasuruan ang kambung mewali-wali wo sé tou sé tinou-Nao sumawel wo sumungkul si Apo' Yesus ang kambung. Wo icita im baya mento' oka mewali-wali ang karapi i Apo' Yesus akar ing kauré-uré.

2 Timotius 4:6

Andumoro' yaku, intarépé' yaku tawio maté. Eng katouanku intarépé' tanuoka in elepen anggor aituas tanu tuus raragés in owakku a si Casuruan.

Wahyu 14:13

Wo kalingaanku en suara an sorga icumua, “Ipatico en anio': Tumo'tol intarépé' pakakamangen sé tou sé le'tek makiit si Apo' Yesus akar imaté.” Wo e Roh i Amang Kasuruan in esa en cumua in tana'i, “Ulit, séra ro'na mena' asi pinala'lé-la'léan éra wo teriman éra oka en laasa asé im pakasa sé pinengaéma éra.”