Filipi 1:20 - En Taar Weru a nunuwu' é Tontemboan

²⁰ En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.

Filipi 1:20 ပူးပေါင်းရင်းမြစ်များ

Yohanes 21:19

Icua i Yesus in taniitu, en tumuru' mulur tambisa si Petrus maté, wo irumayo wo sumiri' si Amang Kasuruan. Kekawus i Yesus kumua in taniitu, icua-Na a si Petrus, “Kumiito mai Aku.”

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 21:13

Taan sinowatke' i Paulus, “Kéitu réén kamu maamé' taniitu? Kamu iméma'o in atéku mawendu. Sapake' e mamuali an Yerusalem, yaku tu'tulo, ra'ica im ba'kesenke' taan ka'i tu'tulo i maté ampa'paan i Apo' Yesus.”

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

Roma 5:5

Wo em paarapen tanu siitu ra'ica iméma' icita matapé, ampa'paan kailekanta tambisa eng kaupusan i Amang Kasuruan ai cita. Wo aiwéé-Nao e Roh Le'nas matawoi an atéta, wosama' kita ro'na mendam ing kawangko' in upus-Na ai cita.

Roma 6:13

Wo tioo isarakan iow sé an owak iow mamuali pakakas eng kawasan ing kamesé-meséaan e méma' ing kaléwo-léwo'an. Taan isarakano mio' en owak iow a si Amang Kasuruan ampa'paan kamu ra'io pakakawasaan im papaté wo menonou ang katouan weru. Wo isarakano mio' pakasa sé an owak iow a si Amang Kasuruan em pakén torona méma' in sususuien wutul-Na.

Roma 6:19

Em pakawerot iow tanu tou ra'ica rior makailek, anaé aku maké in andéan ata, wosama' kamu rior makailek sapa em peangé-angénku. Indior kamu sumarakano waya ing katouan iow mamuali ata ing kasamekan wo ing kaléwo-léwo'an akar kamu mengéma-ngéma' in léwo'. Taniituo ka'i intarépé', musti isarakan iow waya eng katouan iow mamuali ata mengaéma' im butul akar makawali icamu ang katouan le'nas.

Roma 8:19

Wo ra'ica icitake' in tou, taan pakasa sé niéma' i Amang Kasuruan ang kayo'baan anio' lumeloo keli mengento-ngento' in oras i Amang Kasuruan tumuru' mai in darayo wo in sisiri' a sé toyaang-Na.

Roma 9:33

Wéanio' rékén sumama-sama', tanu in aipatic ang Kitap Le'nas tana'i, “Aiweta'-Kuo ang kuntung Sion esa watu e méma' sé tou icasangkil, si esa watu wangker si méma' oka sé tou icalepok. Taan si séi e maéman a si Casuruan, ra'ica ipapalawi'.”

1 Korintus 15:31

Poo-poowku, susur in éndo aku mensaruan wo im papaté, ampa'paan aku marayo ing katouan iow ampa'paan kamu maémano a si Kristus Yesus Apo'ta.

1 Korintus 6:20

Ampa'paan kamu tinelesano i Amang Kasuruan ang kerapi in sosor em bééna siituo en enda' i Kristus. Ampa'paan ituo pakéno sumama-sama' en owak iow e rumayo wo sumiri' si Amang Kasuruan.

1 Korintus 7:34

Eng kasiwakanna em pakawerotna imaruao. Wo sé wéwéné si ra'ica wana penanaan wo sé mangala'un, memerot-meroto mangé andumoro' si Casuruan, wééo mangé en owak wo e mu'kur torona si Casuruan wosama' le'nas an dior-Na. Taan se wéwéné awéano penanaan memero-meroto mangé andumoro' ing kayo'baan, tumambisa sia marui si penanaanna.

2 Korintus 10:8

Ra'ica malawi' aku sa talosoo matirayo ing kawasa si aiwééo i Amang Kasuruan ai cami. Ampa'paan eng kawasa itu aiwéé i Amang Kasuruan e méé ing kaketeran am paémanen iow, ra'ica in tumeri im paémanen iow.

2 Korintus 3:12

Ampa'paan kami makaanu in arapan tanu siitu, kami ra'ica maindé' en tumindak.

2 Korintus 4:10

Am bisake' en angéan ami tatap mapendam im patén tanu im pinendam mai i Yesus, wo in taniitu kaséréano sapaoka si Yesus menonou an owak ami.

2 Korintus 5:15

Si Kristus imaté torona im pakasa é tou wosama' séra menonou, ra'io ka'i menonou torona in owakna in esa, taan torona si Kristus si imatéo wo tinou sumawel torona éra.

2 Korintus 7:14

Kamu iparayo-rayokuo a si Titus an tutuwna ra'ipé' mangé ai camu. Makapulu'sama', kamu ra'ica imapalawi' yaku. Pakasa sé aicuao ami ai camu wutul. Taniitu ka'i sapa sé iparayo-rayo ami andumoro' icamu a si Titus mémang wutul.

2 Korintus 7:4

Yaku uli-ulit mercaya icamu. Wo ka'i kamu uli-ulit iparayoku! Mandé ka'i kelian eng kawenduan pinendam ami mai, en atéku kinaiboran keli ampa'paan icamu. En atéku uli-ulit arui.

Filipi 1:14

Wo ka'i ampa'paano aku binui, makakelio taré sé poo-poowta maéman am bia'i makaketer em paémanen a si Apo' Yesus akar séra ra'io wana eng kaindé'anai mengakua in Taar i Casuruan.

Filipi 2:17

Tumo'tolke' mai asi kataré an tutuwku kumua in Abar Kaaruien ai camu, kamu mapercaya a si Apo' Yesus wo isumarakano ing katouan iow e maéma' ing kasalé'an-Na. Anaé, mandé ka'i aku ukumen patén ampa'paan in tawoienku e mengakua in Abar Kaaruien andumoro' i Yesus Kristus ai camu, en itu ra'ica sapa-sapa. Yaku kasake' kumua imakapulu'sama' a si Amang Kasuruan wo maaru-arui oka mewali-wali wo icamu.

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

1 Petrus 4:16

Taan sa kamu okoien ampa'paan tou Krésten, kamu ra'ica toro malawi'. Aweso taré kamu rumayo wo sumiri' si Amang Kasuruan ampa'paan kamu patuulen makiit si Kristus.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.