Filipi 1:19 - En Taar Weru a nunuwu' é Tontemboan

¹⁹ ampa'paan kailekanku sapaoka maai oka en témpona aku icesot am bui, ampa'paano im penomba-nombayang iow wo ka'i en tatawang i Roh i Yesus Kristus a yaku.

Filipi 1:19 ပူးပေါင်းရင်းမြစ်များ

Kisah Para Rasul 16:7

An tutuw éra icateka'o am pesupuan i Misia wo em Bitinia, séra mepé' muntep im Bitinia, taan pinéro i Roh i Yesus séra e maangé am bitu.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

Roma 8:9

Taan, kamu ra'io menonou mengakiit ing kasalé'an in owak, taan mengakiit ing kasalé'an i Roh i Amang Kasuruan, ampa'paan e Roh i Amang Kasuruan uli-ulit mento' an owak iow. Sa e Roh i Kristus ra'ica menonou an owak i esa tou, sia ra'ica anu i Kristus.

1 Korintus 4:17

Ampa'paan in ituo yutusku mangé si Timotius ai camu ampa'paan sia itu niéma'kuo tanu toyaangku in esa wo icaupusku, sia ka'i le'tek a si Casuruan. Mangéna oka ita'néi sumawel ai camu andumoro' tambisa eng katouanku makiit a si Kristus Yesus. Eng katouanku itu ipenusu-nusuikuo a sé jamaat am pakasa in tampa.

2 Korintus 1:11

Pekiupusen ami ai camu atasanai in sombayang wosama' si Amang Kasuruan tumawang icami. Wo in taniitu sowaten i Amang Kasuruan en somba-sombayang akar keli en tou kumua makapulu'sama' a si Amang Kasuruan ampa'paan ing kamang sé tinerima ami wo ampa'paan in sombayang é tou keli.

Galatia 3:5

Si Amang Kasuruan mééo mai i Roh Le'nas-Na ai camu ang karapi i mawuta-wuta, wo iméma'o ing kakaya'kaan an uner iow. Niéma' réén i Amang Kasuruan en itu ampa'paan kamu mengaéma' in ukum Torat? Tantu ra'ica. Taan ampa'paan kamu iluminga in Abar Kaaruien wo maéman a si Kristus.

Galatia 4:6

Wo ampa'paan kita mamualio toya-toyaang-Na, akar iru'du'-Na e Roh i Toyaang-Na muntep an atéta. Wo e Roh itu méma' icita ro'na tumowa si Amang Kasuruan, “O Abba, o Amang!”

Filipi 1:18

Taan ra'ica sapa-sapa! Ampa'paan mandé ka'i tambisa, en Abar Kaaruien aicuao éra a sé tou. Pakua éra en Abar itu ang karapi im pawasan ra'ica loor kuma'pa im pawasan i lekep en até, em penting keli si Kristus ipakuao a sé tou. Siituo e méma' in atéku arui. Wo ka'i yaku kasake' arui,

1 Petrus 1:11

Wo pati'tiren éra ka'i, kawisa wo tumambisa en itu mamuali, siituo em paangé-angén i Roh i Kristus si an untep in owak éra. An tutuw itu e Roh i Amang Kasuruan méé kasairian andumoro' ing kawenduan-kawenduan sé sangkumen oka i Kristus wo andumoro' i rarayo wo in sisiri' si kumiitai kekawus ing kawenduan itu.