Filipi 1:14 - En Taar Weru a nunuwu' é Tontemboan

¹⁴ Wo ka'i ampa'paano aku binui, makakelio taré sé poo-poowta maéman am bia'i makaketer em paémanen a si Apo' Yesus akar séra ra'io wana eng kaindé'anai mengakua in Taar i Casuruan.

Filipi 1:14 ပူးပေါင်းရင်းမြစ်များ

Markus 3:3

Icua i Yesus a si tou eng kamana esa mapalaio, “Mayo, tumulungo mai an uner!”

Lukas 1:74

sapaoka iwekar-Na oka kita ang kakawasaan é kaséké'ta, wosama' kita ra'ica wana eng kaindé'an en sumelewir ai Sia.

2 Korintus 3:12

Ampa'paan kami makaanu in arapan tanu siitu, kami ra'ica maindé' en tumindak.

2 Korintus 7:4

Yaku uli-ulit mercaya icamu. Wo ka'i kamu uli-ulit iparayoku! Mandé ka'i kelian eng kawenduan pinendam ami mai, en atéku kinaiboran keli ampa'paan icamu. En atéku uli-ulit arui.

Efesus 3:13

Ampa'paan in ituo pangilekenku kamu tioo mateké' en até iluminga andumoro' ing kawenduanku. Kamu ro'na tumirayo ampa'paan aku mawendu torona ing kalooran iow.

Filipi 1:20

En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.

Filipi 1:7

Mémang patuso aku méé i makapulu'sama' in taniitu andumoro' icamu im baya, ampa'paan icamu im baya an atékuo. Wo ka'i kamu imamualio kara-karapi an tawoien si aitambérai i Amang Kasuruan a yaku. Kamu ra'ica mento' matawang yaku, mandé ka'i yaku am bui kuma'pa an tutuwku mengakua im pembélaan e méé tuus a sé tou sé ra'ica mapercaya in Abar itu, sapaoka en Abar Kaaruien si pakuaku itu wutul.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

Kolose 4:4

Isombayango mangé wosama' ro'na sisilku i makakii-kiit en abar itu, ampa'paan siituo si musti émaanku.

Kolose 4:7

Pakasa en abar andumoro' yaku am bia'i, icua oka i Tikhikus ai camu. Sia poow si caupusta, ata le'tek si re'dem matawoi wo ka'i karapi ami e maselewir si Casuruan.

1 Tesalonika 2:2

Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.