Filipi 1:12 - En Taar Weru a nunuwu' é Tontemboan

¹² Poo-poow, icasalé'ku kailekan iow sapaoka aku ayuntep am bui anio', méma'ke' taré makaawes sé tou iluminga in Abar Kaaruien wo maéman a si Kristus.

Filipi 1:12 ပူးပေါင်းရင်းမြစ်များ

Lukas 21:13

Ang karoro'an iow paakimen, asi oras ituo en témpo miow masairi andumoro' in Abar Kaaruien i Amang Kasuruan.

Kisah Para Rasul 8:4

Wo an tampa-tampa tinincasan é tou maéman itu, séra mengua-ngua in Abar Kaaruien andumoro' i Yesus Kristus a sé tou keli.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

Roma 8:37

Taan mandé pakasa en itu sangkumenta, kita tantu uli-ulit muntung ampa'paan si Kristus imupuso icita.

Filipi 1:5

Pengakuaku i makapulu'sama' a si Amang Kasuruan, ampa'paan tumo'tolke' mai asi endo kataré kamu luminga in Abar Kaaruien in andumoro' i Yesus Kristus akar intarépé', kamu tumawango in tawoienku mengakua in Abar Kaaruien.

Filipi 1:7

Mémang patuso aku méé i makapulu'sama' in taniitu andumoro' icamu im baya, ampa'paan icamu im baya an atékuo. Wo ka'i kamu imamualio kara-karapi an tawoien si aitambérai i Amang Kasuruan a yaku. Kamu ra'ica mento' matawang yaku, mandé ka'i yaku am bui kuma'pa an tutuwku mengakua im pembélaan e méé tuus a sé tou sé ra'ica mapercaya in Abar itu, sapaoka en Abar Kaaruien si pakuaku itu wutul.

Filipi 2:22

Taan kailekano miow eng kale'tekan i Timotius kinaujiano. Sia sumémbongo mai a yaku an tutuw imengua-ngua in Abar Kaaruien, tanu si esa toyaang masémbong a si amangna.

Filipi 4:15

Poo-poowku tou Filipi, an tutuwku in tumela'u icamu a Makedonia wo aku tumo'tolo kumua in Abar Kaaruien andumoro' i Yesus Kristus an tampa walina, ra'ica wana jamaat mandé in esake' e méé in tatawang a yaku, wayake' icamu.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

1 Timotius 2:8

Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.