Filemon 1:6 - En Taar Weru a nunuwu' é Tontemboan

⁶ Yaku masombayang wosama' em pepoowanta tanu tou maéman ro'na méma' icita makaawes eng kailekan am pakasa sé loor sé ai citao ampa'paan kita meesao wo si Kristus.

Filemon 1:6 ပူးပေါင်းရင်းမြစ်များ

Matius 25:16

Si ata tinokéan in lima talenta makala'us mangé e mangkér, wo en untungna lima talenta.

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

1 Korintus 14:25

Sé pakaenepna an untep in aténa kaséréan oka sa, akar iko'kosna en owakna wo kumundu maapo' a si Amang Kasuruan wo kumua, “Ulit! Si Amang Kasuruan an uner iow.”

1 Korintus 16:9

ampa'paan keli en témpo loor eng kumua in Abar Kaaruien andumoro' i Yesus Kristus am bitu, mandé ka'i kelian tou masundur yaku.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

Kolose 1:9

Ampa'paano in itu, tumo'tolai kami luminga andumoro' miow, kami ra'ica mento' menomba-nombayang torona miow. Pekiupusen ami a si Amang Kasuruan wosama' kamu wéan-Na mai ing kapinteran wo ing kakailekan wutul, wosama' sapa sé icasalé'-Na, kailekan iow im butul.

Kolose 3:10

Wo kamu intarépé' winéano ing katouan weru, wo em peri miow pemeru-merun i Amang Kasuruan si méma' icamu kiit ing gambar-Na, wosama' kamu wutu-wutul makatuus Sia.

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

Yakobus 2:14

Poo-poowku! Sa si tou kumua sia maéman a si Casuruan, taan ra'ica pengaémaanna en airu'du' i Casuruan, em paémanenna itu ra'ica wana torona. Ro'na réén em paémanen tanu siitu en lumowir sia?

Yakobus 2:17

Taniitu ka'i em paémanenta a si Casuruan. Sa kita maéman taan ra'ica paémaanta en airu'du' i Casuruan, em paémanenta itu ra'ica wana torona.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 3:1

Éi wéwéné sé kinawéngo, kamu musti male'te-le'tek angé a sé penanaan iow, wosama' sa awéan penanaan sé ra'ica maéman in Taar i Amang Kasuruan, mandé kamu ra'ica rumoma' in Taar itu ai séra, séra ro'na maéman a si Amang Kasuruan, ampa'paan séra suméréo ing katouan iow loor.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.

2 Petrus 1:8

Ampa'paan sa sé peri-peri itu ai camuo wo em pakasa itu pengéma-ngémaan iow, sé ituo en tumawang icamu lébé makatuus si Yesus Kristus Apo'ta wo eng katouan iow lébé awéan torona a sé tou walina.