Filemon 1:20 - En Taar Weru a nunuwu' é Tontemboan

²⁰ Éi Filemon poowku an esa paémanen, an témponao émaanmu sé pinangilekku ai co. Aruieno mai en atéku ampa'paan im paesaanta a si Kristus.

Filemon 1:20 ပူးပေါင်းရင်းမြစ်များ

1 Korintus 16:18

Sérao sé kumeter in atéku, meputé wo séra icumetero in até miow. Wo sé tou tanu siitu musti siriin iow.

2 Korintus 2:2

Sa en até miow émaanku mawendu, ra'io wana ka'i e ro'na mibor in atéku. Ampa'paan icamuo e musti mibor yaku, taan en até miow niéma'kuo mawendu ampa'paan rinomaanku.

2 Korintus 7:13

Ampa'paan in ituo en até ami maibor. Wo ka'i kami arui keli ampa'paan makaséré ing kaaruian in até i Titus.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

Filemon 1:12

Intarépé' sia si paupu-upusku itu, iru'du'ku mangé sumawel ai co.

Filemon 1:7

Poowku Filemon, ico mengaupuso sé tou le'nas akar séra kinaiborano in upusmu. Ampa'paano in itu yaku arui keli.

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

1 Yohanes 3:17

Sa awéan tou en lumébé mai eng kasiyaanna wo sérénna si poowna menonou ang kawenduan taan ra'ica kiimna in tumawang, tambisa sia makua sia mengaupus si Amang Kasuruan?

3 Yohanes 1:4

Sa iciit yaku, ra'ica wana e ro'na méma' in atéku lébé arui aluar yaku luminga sapaoka sé toyaangku menonou makiit in sususuien i Amang Kasuruan.