Filemon 1:17 - En Taar Weru a nunuwu' é Tontemboan

¹⁷ Ampa'paano in itu, sa anggapenmu aku karapimu an esa paémanen, terimano mangé sia tanuoka ko tumerima yaku.

Filemon 1:17 ပူးပေါင်းရင်းမြစ်များ

Matius 10:40

Si séike' en sumungkul icamu, en itu meputé sia isumungkulo Yaku. Wo si séike' en sumungkul Yaku, sia ka'i isumungkulo si Amang Kasuruan si mutusai Yaku.

Matius 18:5

Wo si séi en sumungkul si esa toyaang teké' tanu si anio' ampa'paan sia makiit Yaku, sia puté isumungkulo Yaku.”

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Kisah Para Rasul 16:15

Kekawus i Lidia wo sé am pamaléna nibaptis, icuana in tana'i ai cami, “Sa percayan iow aku anio' wutu-wutul maémano a si Casuruan, mayo lumosér am baléku.” Pelepé-lepéienna, akar kiniitan ami eng kasalé'anna en lumosér am baléna.

2 Korintus 8:23

Si Titus karapiku matawoi en sumémbong ai camu. Wo sé rua poow itu, sé mangé ang karapina, séra sé tou ayutus é jamaat wo sé marayo wo masiri' si Kristus ang karapi im pakaselewir éra.

Efesus 3:6

Wo si anioo em pawasa-wasan-Na sé icaenep itu: Sé tou ra'ica Yahudi kumiit makéré im bagéan asi Amang Kasuruan owo ampa'paan séra maéman in Abar Kaaruien andumoro' i Yesus Kristus. Wo séra imamualio esa owak, wo mekiit makéré ing kama-kamang sé aijanjio i Amang Kasuruan ampa'paan i Kristus Yesus.

Filipi 1:7

Mémang patuso aku méé i makapulu'sama' in taniitu andumoro' icamu im baya, ampa'paan icamu im baya an atékuo. Wo ka'i kamu imamualio kara-karapi an tawoien si aitambérai i Amang Kasuruan a yaku. Kamu ra'ica mento' matawang yaku, mandé ka'i yaku am bui kuma'pa an tutuwku mengakua im pembélaan e méé tuus a sé tou sé ra'ica mapercaya in Abar itu, sapaoka en Abar Kaaruien si pakuaku itu wutul.

Filemon 1:10

Pekiupusenku ai co andumoro' i toyaangku Onesimus, yaku mamuali amangna am paémanen ang kauréku an untep im bui.

Filemon 1:12

Intarépé' sia si paupu-upusku itu, iru'du'ku mangé sumawel ai co.

Filemon 1:18

Sa sia méma'o ing kaséaan kuma'pa awéan utang ai co, yuntepo mio' waya en itu an tanggonganku.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

1 Yohanes 1:3

Intarépé' icua ami ai camu sapa sé sinéréo wo liningao ami ai Sia. Wo in taniitu kamu ro'na menonou meesa wo icami. Wo kita im baya ka'i menonou meesa wo si Amang wo si Toyaang-Na Yesus Kristus.