Efesus 6:9 - En Taar Weru a nunuwu' é Tontemboan

⁹ Éi tuang-tuang, kamu musti ka'i sama' a sé ata miow. Tioo pengaetengan iow séra akar séra maindé' ai camu. Ta'néieno mangé sapaoka kamu wo sé ata miow puté-puté makaanu esa tuang, Siao si Casuruan si an sorga, Sia ra'ica mengasisir in tou.

Efesus 6:9 ပူးပေါင်းရင်းမြစ်များ

Matius 22:10

Kumawus in itu sé ata itu mangém. Wo pakasa sé tou ipeta'up éra an lala-lalan, tou léwo' kuma'pa tou sama', enoten éra mai am pésta itu. Akar an tampa im pésta itu mawutao é sakéi.

Matius 22:8

Kumawus in itu, icua i colano a sé atana walina tana'i, ‘Em pésta kawéng tu'tulo taan sé tou nienot tarépé' ra'ica patus maai am péstaku.

Matius 24:48

Taan sa si ata itu léwo', wo kumua an aténa in tana'i,

Matius 24:51

wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”

Matius 7:12

Sapa sé icasalé' miow émaan é tou walina ai camu, tanu siituo si musti émaan iow a sé tou itu. Siituo en sususuien ang kitap Torat wo ang kitap é nabi.”

Lukas 6:31

Sapa sé icasalé' miow émaan é tou walina ai camu, tanu siituo si musti émaan iow a sé tou itu.

Yohanes 13:13

Pengatowan iow Aku ‘Guru’ wo ‘Tuang’, si patowa miow itu wutul ampa'paan Yakuo si Guru wo Tuang.

Kisah Para Rasul 10:34

Wo tumo'tolo si Petrus rumoma', “En ulitna intarépé'o kailekanku sa si Amang Kasuruan itu ra'ica mengasisir tou.

Roma 2:11

Ampa'paan pakasa en tou puté waya an dior i Amang Kasuruan.

1 Korintus 1:2

En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 7:22

Ampa'paan si esa ata si tinowao eng kumiit si Casuruan, mandé sia itu atapé' taan sia meputé wo si tou ra'ica pakakawasan é tou walina an dior i Casuruan. Taniitu ka'i si tou ra'ica pakakawasan é tou walina si tinowao i Kristus, sia itu meputéo ata i Kristus.

Kolose 3:25

Si séike' e méma' ing kameséaan, pamuléngenna oka eng kameséaanna itu. Ampa'paan si Casuruan ra'ica masisir in tou.

Kolose 4:1

Éi tuang-tuang, mengaéma'o mangé sé wutul a sé ata miow wo wééo mio' waya sapa e mamuali hakna. Weroteno mangé sapaoka kamu ka'i awéan Tuang an sorga.

Yakobus 2:13

Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.

Yakobus 2:8

Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.

Yakobus 5:4

Ra'ica winéran iow sé tou matawoi maupu' an uma miow. Séra mapatawa-tawango wo em pinangimbulu éra itu kinalingaano i Casuruan si Makakawasa.