Efesus 6:1 - En Taar Weru a nunuwu' é Tontemboan

¹ Éi toya-toyaang, kiitenno mangé em perénta é matu'a miow ampa'paan kamu maémano a si Casuruan. Siituo em butul sé patus pengaémaan iow.

Efesus 6:1 ပူးပေါင်းရင်းမြစ်များ

Lukas 2:51

Wo si Yesus maréng a Nazaret mewali-wali wo sé matu'a-Na wo Sia menonou le'tek a sé matu'a-Na. Pakasa sé imamuali itu pakaéma'ke' i Maria an untep in aténa.

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

Roma 16:2

An tutuw sia maangé ai camu sungkuleno mangé sia ang karapi in arui en até ampa'paan sia tou maéman a si Casuruan, tanu siituo em patus émaan é tou le'nas. Wo pangilekenku ai camu, patawangen angé sia sapake' em paperlunna. Ampa'paan kelio sé aiwééna en tumawang sé tou keli wo ka'i a yaku.

Roma 7:12

En ukum Torat itu le'nas, anaé pakasa en atoran an ukum Torat itu le'nas, wutul wo loor.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.

1 Timotius 5:4

Taan sa sé balu wéwéné awéané' toyaang kuma'pa poyo', sé toyaang wo sé poyo'na itu en suma'li ai sia. Musti susuian éra tambisa en sumuli' ing kalooran i inang wo si néné éra. Wo in taniitu, séra maruio in até i Amang Kasuruan.

1 Petrus 2:13

Kamu sé makiit si Casuruan musti male'te-le'tek angé a sé maperénta si makatimboi ing kawasa. Male'te-le'tek angé a si colano si makatimboi ing kakawasaan rumangka-rangka',