Efesus 5:9 - En Taar Weru a nunuwu' é Tontemboan

⁹ ampa'paan sa kamu menonou an sendot em pengaémaan iow asalo andumoro' sé loor, sé ra'ica marapit wo sé wutul.

Efesus 5:9 ပူးပေါင်းရင်းမြစ်များ

Matius 3:8

Aweso taré kamu mengaéma'o mangé pakasa sé loor, tanu tuus kamu imape'diso ang kamesé-meséaan.

Yohanes 1:47

An tutuw i Yesus suméré si Natanael maai ai Sia, icua i Yesus, “Sérén, siao si wutu-wutul tou Israel. Si tou anio' ra'ica mengauwak sé tou walina.”

Roma 15:14

Poo-poowku an esa paémanen, uli-ulit percayanku sapaoka kamu iméma'o ing keli kalooran. Kamu ka'i kelio eng kakailekan andumoro' in sususuien i Amang Kasuruan, wo makawoo mensin-sina'uan si esa wo si esa.

Roma 2:4

Si Amang Kasuruan itu en até-Na sama', talesen wo wuta ing kaupusan. Taan tioo paepesen iow im beren em pakasa in itu wo mawerot ra'io sangali mape'dis! Ra'ica réén kailekan iow sapaoka ituru' i Amang Kasuruan eng kasamaan in até-Na itu wosama' kamu mape'dis ang kamesé-meséaan?

Efesus 4:15

Taan kita ra'ica tanu siitu. Timboienta sumama-sama' en sususuien wutul asi Amang Kasuruan wo meupu-upusan, akar kita makawangko' am baya-waya kaputé i Kristus. Siao si capalata.

Efesus 4:25

Ampa'paan kamu mamualio tou weru, ra'io toro ka'i mengatowo. Makuao mangé im butul asi esa wo sé walina, ampa'paan kita im baya puté-puté anggota in owak i Kristus.

Efesus 6:14

Anaé, kumete-ketero mangé makatulung tanu suraro sé tu'tulo i merang. Wo pakéno mangé en sususuien wutul tanu mapaké im pawe'ber am pinggangmu wo ra'ica marapit tanu mapaké ing karai bési ipari'dir in owakmu.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Kolose 3:18

Éi wéwéné-wéwéné sé kinawéngo, male'te-le'teko mangé a si penanaanmu. Ampa'paan siituo si musti émaan é tou sé maémano a si Amang Kasuruan.

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

Ibrani 1:8

Taan andumoro' i Toyaang itu, icua i Amang Kasuruan tana'i, “Ico ituo si Amang Kasuruan. Asi palukutan-Mu, Ico merénta oka a sé tou-Mu akar ing kauré-uré. Wo Ico merénta oka a sé tou-Mu ang kakolanoan-Mu ang karapi in da'ica marapit.

Ibrani 11:33

Ampa'paan séra im baya awéan paémanen, akar awéan en icumala sé kakolanoan, awéan sé maperénta ang karapi ra'ica marapit, awéan sé makéré sapa si aijanjio i Casuruan, wo awéan ka'i sé kumetep im ba'ba' é singa,

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.