Efesus 5:6 - En Taar Weru a nunuwu' é Tontemboan

⁶ Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

Efesus 5:6 ပူးပေါင်းရင်းမြစ်များ

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 24:4

Icua i Yesus ai séra, “Matéi-téiro mangé kamu, wosama' kamu ra'ica isélé'kow é tou.

Markus 13:22

Ampa'paan sé mesias ra'ica wutul wo sé nabi ra'ica wutul maai oka sa. Émaan éra oka en tuu-tuus wo eng kakaya'kaan-kakaya'kaan en sumélé'kow sé tou sinisir i Amang Kasuruan.

Markus 13:5

Icua i Yesus ai séra, “Matéi-téiro mangé, oréoka kamu isélé'kow é tou.

Roma 1:18

Si Amang Kasuruan an sorga itumuru' ing kae'bowan-Na a sé pakasa in tou sé ra'ica maindé' ai Sia wo sé tou mengaéma' ing kaléwo-léwo'an. Ampa'paan, sé kaléwo-léwo'an ituo en sumépe'd sé tou e makailek in sususuien wutul andumoro' i Amang Kasuruan.

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

Kolose 2:4

En itu aicuaku wosama' kamu ra'ica kauwakan i séike' mangé en tumawér icamu ang karapi i nunuwu' manam pengalingan.

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

Kolose 3:6

Pakasa en itu mengaéma' ing kae'bowan i Amang Kasuruan [a sé tou ra'ica le'tek ai Sia.]

2 Tesalonika 2:3

Tioo kamu kauwakan é tou sapake' mangé en lalanna. Ampa'paan an tutuw ra'ipé' mai si Apo' Yesus, tantu mamuali owo sé andumoro' in anio': Keli sé tou maéman mamualio léwo' wo kumélong si Casuruan. Wo awéan si tou luméwo-léwo' mai mapaturu' in owakna, si tou itu aitantuo yuntep ang kayo'baan é tou imatéo.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

Ibrani 3:19

Intarépé' kaangéantao sapaoka sé apo-apo'ta indior ra'ica ro'na muntep asi tampa pengaenaan i Amang Kasuruan, ampa'paan séra ra'ica maéman ai Sia.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.

1 Yohanes 4:1

Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.