Efesus 5:18 - En Taar Weru a nunuwu' é Tontemboan

¹⁸ Tioo kamu malangu-langu ampa'paan in elepen pengakalangun e méma' icamu ra'ica makawoo kumawasa in owak. Taan aweso taré en owak iow pakakawasan i Roh i Amang Kasuruan.

Efesus 5:18 ပူးပေါင်းရင်းမြစ်များ

Matius 23:25

Icawangkuro mio' kamu sé makailek wutul in Torat wo sé tou Farisi. Icamu anio' tou punek. Icamu meputé wo sé mawu'as im pakakas paelepan wo em pakanan ang kesotnake', tanu siituo em peri miow pakasérén ang kesot maéma' in atoran in agama, taan en até miow wuta ing kalongi'an wo mengaandét in anu é tou.

Matius 24:49

‘Urépé' réén si tuangku maréngai.’ Anaé, tumo'tolo papangkurenna sé ata walina, wo mangé ka'i kuman wo melep ang karapi é tou lalangun.

Lukas 1:15

Sia mamuali oka tou wangko' an dior i Amang Kasuruan. Ang kauréna menonou ra'ica kawisa melep in anggor kuma'pa melep in elepen mengalangu. Sia kawasan oka i Roh Le'nas tumo'tolke' mai sia am poot i inangna.

Lukas 11:13

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai e Roh Le'nas a sé tou sé imangilek ai Sia.”

Lukas 12:45

Taan, sa si ata itu léwo' wo kumua an aténa in tana'i, ‘Urépé' réén si tuangku maréngai.’ Wo tumo'tolo papangkurenna sé ata tuama wo wéwéné wo sia kuman wo melep akar i malangu.

Lukas 21:34

Wo icua i Yesus, “Téirano mangé sumama-sama' en owak iow, tioo en até miow wuta ing kasalé-salé'an sé ra'io masoma wo mengele-ngelep akar i malangu wo tioo kamu maindé-indé' andumoro' ing kaperluan iow susur in endo. Sa kamu mengéma-ngéma'ke' tanu siitu, an tutuw si Toyaang i Tou maai sumawel, kamu ra'ipé' tu'tul. Ampa'paan si endo itu tumarépé'anke'mai, tanuoka in ta'kong ipatangka' sé binatang.

Yohanes 2:10

wo icuana ai sia, “Eng kanaramen é tou mengaselewir in anggor sé loor eng kataré, wo sa kelio en anggor nielep é sakéi, selewiro éra en anggor sé ra'ica loor. Taan ayéma' i poow en anggor loor akar asi oras anio'.”

Kisah Para Rasul 11:24

Si Barnabas itu tou sama', kinawasa i Roh Le'nas wo ka'i wutu-wutul maéman a si Casuruan. Ampa'paano in itu kelian tou sé iluminga in sina'una mamuali maéman a si Apo' Yesus.

Roma 13:13

Mayoo kita menonou in loor, tanu sé tou menonou ang kasendotan. Tioo mengéma-ngéma' ing kasalé-salé'an ing kuman wo mengele-ngelep sé ra'io masoma wo malangu-langu, tioo mengéma-ngéma' andumoro' in sina wo makiit ing kasalé'an sé ra'ica loor, tioo meindo-indoan roma' wo mangana-nganat.

1 Korintus 11:21

Ampa'paan an tutuw ing kuman, si esa wo si esa tou meri-rioran mindo ing kakanen in esa, akar awéan sé maarem wo awéan sé imalangu.

1 Korintus 5:11

Em paangé-angénku, tioo mengakarapi wo sé tou sé mengakua sapaoka sia itu poowta an esa paémanen taan em pengaémaanna cabul, rakus, mengaapo' a sé opo-opo', mengawuruk i ngaran é tou walina, lalangun kuma'pa mengauwak. Kumanke' mako mewali-wali wo sia ra'ica toro.

1 Korintus 6:10

sé tou rombit, sé tou rakus, sé tou lalangun, sé tou mengawuruk i ngaran é tou walina wo sé tou mengauwak, sé tou tanu siitu ra'ica mamuali tou i Amang Kasuruan ang Kakolanoan-Na.

1 Tesalonika 5:7

Ampa'paan ang kanaramen é tou matekel, mengatekel an tutuw im bengio wo sé tou lalangun, mengalangu an tutuw im bengio.

Titus 1:6

Sé tou angkaien mamuali penatua musti tanu sia'i: ra'ica wana e ro'na méé kaséaan ai sia, wayake' in esa wéwéné e mamuali penanaan, sé toyaangna maéman a si Casuruan wo in taniitu ra'ica wana tou e makua sapaoka sé toyaang itu makaperi ra'ica loor kuma'pa tansunduren.