Efesus 4:6 - En Taar Weru a nunuwu' é Tontemboan

⁶ wo esa Amang Kasuruan. Siao si Amang é pakasa in tou maéman. Wo Siao si maperénta waya sé tou, wo si matawoi mewali-wali wo sé tou maéman, wo mento' an até éra.

Efesus 4:6 ပူးပေါင်းရင်းမြစ်များ

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Matius 6:9

Ampa'paan in itu, sumombayango in tana'i, ‘Amang ami an sorga, e ngaran-Mu le'nas wo iparangka-rangka',

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 17:26

Aicua-Kuo ai séra si séi si Amang en ulitna, wo ipengua-ngua-Ku oka melala'us andumoro si Amang. Wo in taniitu séra maupus oka sé tou walina tanu si Amang mengaupus Yaku wo Yaku meesa wo iséra.”

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Roma 11:36

Ampa'paan si Amang Kasuruano e méma' im baya-waya, wo pakasa en itu Siake' en tumu'tul. Pakasa en itu niéma'-Na wosama' Sia irayo. Anaé, irayoo wo siriino mangé Sia akar ing kauré-uré! Ulit.

1 Korintus 12:6

Wo ka'i membam-balinaan em pakatawoi si tawoien asi Amang Kasuruan owo, taan wayake' in esa si Amang Kasuruan si méé mai ing kawooan a sé tou en tumawoi in itu.

1 Korintus 8:6

Taan ai cita anio', si Amang Kasuruan itu wayake' in esa, Siao si Amang si méma' im baya-waya. Torona Siake' kita menonou. Wo ka'i si Casuruan waya in esa, Siao si Yesus Kristus. Ampa'paano Sia em baya-waya niéma' wo ampa'paano Sia kita menonou.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

Efesus 1:21

A mangé mbitu si Kristus merénta ang karapi ing kawasa si rumangka'mai asé im pakasa ing kawasa é maperénta, sé makakawasa, wo eng kakawasaan, eng kakolanoan wo pakasa i ngaran sé ro'na icua asi témpo ya'sa wo ka'i asi témpo maai oka sa.

Efesus 2:22

Ampa'paan i Kristus, kamu sé tou ra'ica Yahudi ka'i winangun mewali-wali wo sé tou Yahudi mamuali paento'an i Amang Kasuruan. Am bitu Sia mento' tanu Roh.

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

Efesus 6:23

Pekiupusenku wosama' si Amang Kasuruan Amangta wo si Yesus Kristus Apo'ta méma' sé poo-poow menonou ang kaeluran, ang kaupusan wo am paémanen.

1 Yohanes 3:24

Si séi si makiit waya im perénta-Na, sia itu meesa wo si Amang Kasuruan wo si Amang Kasuruan ka'i meesa wo isia. Wo kailekantao si Amang Kasuruan menonou meesa wo icita, ampa'paan si Amang Kasuruan imééo i Roh-Na ai cita.