Efesus 4:2 - En Taar Weru a nunuwu' é Tontemboan

² Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Efesus 4:2 ပူးပေါင်းရင်းမြစ်များ

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Kisah Para Rasul 20:19

Ang karapi ing kako'kosan in até aku sumelewir si Casuruan wo makakeli-keli aku maamé' wo keli mamendam im pangepé'an ampa'paan sé tou Yahudi maaté-até in léwo' e maté yaku.

Roma 15:1

Kita sé ketero em paémanen, musti talesen a sé tou sé ra'ipé' keter em paémanen. Tioo kita mangéré-ngéréke' ing kaaruianta in esa.

1 Korintus 13:7

Sia talesen mengasaru in sapa-sapake' wo maéman an sapa-sapake', maarap an sapa-sapake', talesen mengawuléng in sapa-sapaanke'.

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Kolose 1:11

Pekiupusen ami ka'i a si Amang Kasuruan wosama' kamu keteren-Na mai ang karapi ing kawasa i rarayo wo in sisiri'-Na, wosama' an tutuw iow meta'up ing kawenduan, kamu kasake' le'tek wo talesen masaru waya in itu,

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

2 Timotius 2:25

Sia musti masusui ang karapi ing ko'kos en até a sé tou sé mengasundur in sususuien wutul. Sia musti mengaéma' in taniitu ampa'paan sa si Casuruan méé mai témpo ai séra, séra ro'na mape'dis akar séra ro'na makailek in sususuien wutul itu.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.