Efesus 3:5 - En Taar Weru a nunuwu' é Tontemboan

⁵ Indior em pawasa-wasan-Na itu ra'ipé' kawisa aicua a sé tou, taan intarépé' sé pawasa-wasan-Na itu aituru'o i Roh i Amang Kasuruan a sé ruru'du'an sé sinisir-Na wo ka'i a sé nabi-Na.

Efesus 3:5 ပူးပေါင်းရင်းမြစ်များ

Matius 13:17

En ulitna icua-Ku mangé ai camu, indior, kelian nabi wo sé tou wutul masalé' suméré sapa si sinéréo miow, taan ra'ica sinéré éra. Wo séra masalé' luminga sapa en liningao miow, taan ra'ica lininga éra.

Matius 20:7

Wo isowat éra ai sia, ‘Ra'ica wana tou en tume'tek ai cami.’ Wo icuana ai séra, ‘Sa taniitu, mangéo taré kamu tumawoi an uma in anggorku!’

Matius 23:34

Ampa'paan in ituo yutus-Ku oka mai ai camu sé nabi, sé tou pandéi wo sé makailek wutul in Torat. Taan awéan ai séra itu patén iow oka wo sé walina isalip iow. Sé walina ka'i okoien iow oka am balé-walé paapo'an iow wo awéan ka'i sé paangi-angiten iow asi kota esa akar asi kota walina.

Lukas 10:24

Ampa'paan indior keli nabi wo kolano masalé' suméré sapa sé sinéréo miow intarépé' taan ra'ica sinéré éra. Séra ka'i masalé' luminga sapa sé pinalingao miow intarépé', taan ra'ica lininga éra.”

Lukas 11:49

Ampa'paan in ituo, indior maké ing kapinteran-Na si Amang Kasuruan kumua in tana'i, “Yutus-Ku oka sé nabi wo sé ruru'du'an-Ku mangé a sé tou Israel. Sé sangaperua ai séra okoien oka wo sé sangaperua ka'i patén oka.”

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Yohanes 16:13

Taan sa Sia maai, Siao e Roh si tumuru' in sususuien wutul i Amang Kasuruan, isusui-Na oka ai camu akar kailekan iow pakasa sé sususuien wutul andumoro' i Amang Kasuruan. Ampa'paan Sia ra'ica kawisa mengaroma' makiit im bewerot-Na in esa, taan Sia maroma' kumiit sapa sé lininga-Na. Wo icua-Na oka ka'i ai camu andumoro' in sapa sé mamuali sa.

Kisah Para Rasul 10:28

Wo icua i Petrus, “Kailekano miow eng kanaramen ami tou Yahudi, kami ra'ica toro mengkemuan wo sé tou ra'ica Yahudi tanu icamu, wo ka'i ra'ica toro mangé am balé miow ampa'paan pakasa en itu najis ai cami. Taan aicuao i Amang Kasuruan a yaku sapaoka ra'ica wana tou najis an dior-Na.

Roma 16:25

Irayoo mangé si Amang Kasuruan! Siao e ro'na méma' im paémanen iow makaketer tanu en aituru' an Abar Kaaruien andumoro' i Yesus Kristus si pakua-kuaku. En Abar Kaaruien itu pengakuaku kiit in aituru' i Amang Kasuruan si paene-enep-Na tumo'tolai indior.

1 Korintus 2:10

Taan intarépé' si Amang Kasuruan imaké i Roh-Na en tumi'tir waya in itu ai cita. Aicuao i Roh-Na ai cita ampa'paan e Roh-Na makailek im baya-waya, akar sé icaenep an owak i Amang Kasuruan.

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

Efesus 3:9

wo tumuru' im pawasa-wasan i Amang Kasuruan a sé pakasa in tou. Em pawasa-wasan-Na itu maatu-atus ngata'un eng kauréna si ayenep-Na si méma' im baya-waya.

2 Petrus 3:2

Icasalé'ku kata'néian iow en taar sé aicuao é nabi le'nas indior wo ka'i mena'né-na'néi em perénta i Apo' Yesus si Lumolowirta, sé aicuao é ruru'du'an-Na ai camu.

Yudas 1:17

Taan kamu é poo-poow sé icaupusku, ta'néieno mangé sapa sé sumangkumo aicua é ruru'du'an i Apo'ta Yesus Kristus.