Efesus 3:10 - En Taar Weru a nunuwu' é Tontemboan

¹⁰ Em basa-Na en tumuru' im pawasa-wasan ing kapinteran-Na si wangko' itu a sé malaékat sé maperénta wo sé makakawasa an sorga. Wo eng kapinteran-Na intarépé' icua oka é jamaat ai séra.

Efesus 3:10 ပူးပေါင်းရင်းမြစ်များ

Roma 11:33

Ulit ra'io icakua eng kasiyaan, eng kapinteran wo eng kakailekan i Amang Kasuruan. Ra'ica wana mandé esake' en tou e ro'na makailek sé pinusé'-Na, wo ra'ica wana ka'i mandé esake' tou e ro'na makailek im pakatawoi-Na.

Roma 8:38

Ampa'paan percayanku keli, sapaoka em papaté kuma'pa eng katouan, sé malaékat kuma'pa kawasa-kawasa é roh léwo', sé kala'meren intarépé' kuma'pa asi endo mengangai,

1 Korintus 1:24

Taan sé tou tinowao i Amang Kasuruan, tou Yahudi kuma'pa ra'ica Yahudi, séra ro'na makailek andumoro' ing kawasa i Amang Kasuruan wo eng kapinteran-Na, asi abar i Kristus itu.

1 Korintus 2:7

Sé ipakua ami itu kapinteran asi Amang Kasuruan owo. Eng kapinteran itu ra'ipé' kailekan é tou wo aicaenepé', taan en itu tinu'tulo i Amang Kasuruan an tutuw eng kayo'baan anio' ra'ipé' niéma' wosama' kéréanta em bagéan asi rarayo wo in sisiri'-Na.

Efesus 1:21

A mangé mbitu si Kristus merénta ang karapi ing kawasa si rumangka'mai asé im pakasa ing kawasa é maperénta, sé makakawasa, wo eng kakawasaan, eng kakolanoan wo pakasa i ngaran sé ro'na icua asi témpo ya'sa wo ka'i asi témpo maai oka sa.

Efesus 1:23

Sé jamaat ayandé tanu in owak i Kristus. Siao e méma' sé jamaat makaleke-lekep, meputé Sia en lumekep im baya-waya sé awéan am bisa-wisa.

Efesus 1:3

Irayoo mangé si Amang Kasuruan, Amang i Apo'ta Yesus Kristus! Si Amang Kasuruan itumambéro mai ai cita pakasa ing kamang sé an sorga owo, ampa'paan kita meesao wo si Kristus.

Efesus 1:8

Si Amang Kasuruan itumambéro mai in upus kumeli-keli ai cita ang karapi im pakasa ing kapinteran wo in kakailekan andumoro' im pawasan-Na.

Efesus 6:12

Ampa'paan kita merang ra'ica sumundur sé tou, taan en sundurenta itu sé maperénta, wo sé makakawasa wo sé kawasa ing kayo'baan si riréimbeng anio' wo sé roh léwo' an langit.

Kolose 1:16

Ampa'paano si Kristus, akar émaan i Amang Kasuruan pakasa sé ang kayo'baan wo sé an sorga, pakasa sé kaséréan wo sé ra'ica kaséréan, tanumai palukutan pasiri-siriin kuma'pa kakolanoan, roh sé maperénta kuma'pa sé makakawasa. Em baya-waya niéma' i Amang Kasuruan ampa'paano si Kristus wo torona i Kristus.

Kolose 2:10

Wo ampa'paan kamu meesao wo si Kristus, kamu ka'i niéma'o lekep. Siao si capala si cumawasa sé maperénta wo sé makakawasa.

Kolose 2:15

Ang kayu salip itu, pakasa é roh sé maperénta wo e roh sé makakawasa kinalao i Kristus. Niéma'-Na séra tanu tou pakawa'kesen, mawaya' makiit an somoi-Na. Séra mamuali séséro'en é tou an tutuw si Kristus muntung.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

1 Petrus 1:12

Aicuao i Amang Kasuruan a sé nabi sapaoka sé ipakua éra itu ra'ica torona in owak éra in esa, taan torona miow intarépé'. Sé pakua éra itu, siituo en Abar Kaaruien andumoro' i Yesus Kristus. Wo intarépé' awéan sé tou kinawasa i Roh Le'nas an sorga owo, séra ituo sé tou makua in Abar Kaaruien itu ai camu. Sé malaékat ka'i masalé' makailek andumoro' ing kalowiran sé aicuao ai camu.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.