Efesus 2:9 - En Taar Weru a nunuwu' é Tontemboan

⁹ Eng kalowiran itu ra'ica wuéna in tinawoi miow, anaé ra'ica wana esaan tou ka'i e ro'na tumirayo in owakna in esa.

Efesus 2:9 ပူးပေါင်းရင်းမြစ်များ

Roma 11:6

Sinisir-Na séra ampa'paan in upus si aitambér-Nao, ra'ica ampa'paan im pengaémaan éra. Sa séra sinisir-Na ampa'paan im pengaémaan éra, eng kaangéanna, Sia sumisir séra en sumuli' im pengaémaan éra ra'ica ampa'paan in upus aitambér-Na.

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 4:2

Si Abraham nianggap wutul i Amang Kasuruan ra'ica ampa'paan mengaéma' sé loor. Sa sia nianggap wutul i Amang Kasuruan ampa'paan mengaéma' sé loor, sia awéan alasan e rumayo in owakna in esa. Taan sia ra'ica toro rumayo in owakna an dior i Amang Kasuruan.

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

Roma 9:16

Anaé, si Amang Kasuruan sumisir tou ra'ica kumiit ing kasalé'an é tou, kuma'pa im pengaémaan é tou, taan Sia in esao en tumantu sapaoka Sia masalé' méé ing kaupusan-Na.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.