Efesus 2:8 - En Taar Weru a nunuwu' é Tontemboan

⁸ Ampa'paan kamu linowir in upus aitambér i Amang Kasuruan an tutuw iow maéman. Eng kalowiran itu asalo aitambér i Amang Kasuruan, ra'ica wuéna im pakasa sé loor sé pinengaéma' miow.

Efesus 2:8 ပူးပေါင်းရင်းမြစ်များ

Matius 16:17

Icua i Yesus ai sia, “Pakakamangen ko é Simon toyaang i Yunus ampa'paan ra'ica sé tou en icumua in itu ai co, taan si Amang-Ku an sorga.

Matius 20:9

Wo mai sé tou itumawoi tumo'tol asi jam lima im bawaando, en tinerima éra mekélé esa dinar.

Markus 16:16

Si séi e maéman a Yaku wo baptisen, sia malowir oka. Taan si séi si ra'- ica maéman a Yaku, makéré oka in ukuman.

Lukas 7:50

Taan icua i Yesus a si wéwéné itu, “Ampa'paan ko maéman a Yaku, ico linowiro. Anaé, maya'o mangé ko ang karapi in elur!”

Yohanes 3:36

Si séike' mangé si mercaya a si Toyaang-Na itu, sia makaanuo ing katouan akar ing kauré-uré. Taan si séike' en da'ica le'tek maéman ai Sia ra'ica kawisa makéré ing katouan akar ing kauré-uré, wo sia ukumen oka i Amang Kasuruan akar ing kauré-uré.

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Yohanes 6:35

Icua i Yesus ai séra, “Yaku anioo eng kakanen si mengaéma' sé tou menonou akar ing kauré-uré. Wo si tou maai a Yaku, sia itu ra'io ka'i kawisa i maarem, wo si séike' si maéman a Yaku, sia itu ra'io ka'i kawisa i maré'om.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 6:40

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Yohanes 6:44

Ra'ica wana esaan tou ka'i e ro'na maai a Yaku sa asalo kumiit ing kasalé'anna in esa. Si esa wo si esa tou ro'na mai a Yaku ampa'paano si Amang si mutusai Aku matawoio an aténa. Wo si séike' si maai a Yaku touen-Ku oka sumawel asi endo kaka'puan ing kayo'baan.

Yohanes 6:65

Wo icua ka'i i Yesus, “Ampa'paan in ituo aicua-Kuo ai camu: Ra'ica wana mandé esake' tou e ro'na mai a Yaku sa kumiitke' ing kasalé'anna in esa. Si esa wo si esa tou ro'na mai a Yaku ampa'paano si Amang e méma' sia mai a Yaku.”

Kisah Para Rasul 13:39

Anaé, si séi si maéman a si Yesus, nianggap wutul i Amang Kasuruan.

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

Kisah Para Rasul 15:11

Taan em butulna, percayanta sapaoka ang karapi in upus aitambér i Apo' Yesus, kita lowiren oka meputé wo sé tou ra'ica Yahudi.”

Kisah Para Rasul 16:14

Esaan angé ai séra, sé iluminga icami mapaar, awéan esa wéwéné makangaran Lidia. Sia ang kota Tiatira owo, sia mawangkér ing kaéng pares. Si Lidia anio' tou ra'ica Yahudi taan sia mengaapo' a si Amang Kasuruan. Wo an tutuw i Paulus mapaar andumoro' si Yesus, en aténa winuka' i Amang Kasuruan akar tinerimana sapa em ipakua i Paulus.

Kisah Para Rasul 16:31

Isowat éra, “Maémano mangé a si Apo' Yesus Kristus wosama' ko malowir oka, taniitu ka'i pakasa sé am balému malowir.”

Roma 10:14

Taan tambisa sé tou ro'na mekiupus ai Sia, sa séra ra'ipé' maéman ai Sia? Wo tambisa sé tou ro'na maéman ai Sia, sa séra ra'ipé' kawisa luminga in andumoro' Sia? Wo tambisa sé tou ro'na luminga in andumoro' Sia, sa ra'ica wana tou e mangé kumua ai séra in andumoro' Sia?

Roma 10:17

Anaé, sé tou ro'na maéman, ampa'paan séra luminga in abar. Wo en abar itu ro'na lingan éra ampa'paan awéan tou e mangé kumua in abar andumoro i Kristus itu ai séra.

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

Roma 4:5

Taan ubungan é tou wo si Amang Kasuruan ra'ica tanu siitu, sé tou émaan-Na wutul an dior-Na ra'ica ampa'paan in tawoien éra in esa taan ampa'paan im paémanen éra a si Amang Kasuruan si mengaampung sé tou mengaéma' ing kamesé-meséaan.

Roma 9:16

Anaé, si Amang Kasuruan sumisir tou ra'ica kumiit ing kasalé'an é tou, kuma'pa im pengaémaan é tou, taan Sia in esao en tumantu sapaoka Sia masalé' méé ing kaupusan-Na.

Galatia 3:14

Si Yesus Kristus pinatéo ang kayu salip wosama' eng kamang i Amang Kasuruan si aijanjio a si Abraham, iwéé a sé pakasa en tou sé maéman icauntep sé tou ra'ica Yahudi. Anaé, sa kita maéman a si Yesus si maté ang kayu salip, kita ro'na tumerima i Roh Le'nas si aijanjio i Amang Kasuruan indior.

Galatia 3:22

Taan ang Kitap Le'nas aipatic pakasa in tou ang kakawasaan ing kamesé-meséaan. Ampa'paano in itu wayake' sé tou maéman a si Yesus Kristus e ro'na tumerima in janji i Amang Kasuruan itu.

Efesus 1:19

Wo ipasombayangku ka'i wosama' kakailekan iow eng kawangko' ing kawasa-Na ai cita sé maéman ai Sia. Eng kawasa i Amang Kasuruan itu puté wo ing kawasa wangko',

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Efesus 2:5

akar kita touen-Na sumawel mewali-wali wo si Kristus, mandé ka'i an tutuw itu kita ayandé tanuoka matéo ampa'paan ing kamesé-meséaanta. Siituo en upus aitambér i Amang Kasuruan en lumowir icamu.

Filipi 1:29

Ampa'paan kamu tinambérano mai ing kamang i Amang Kasuruan ra'ica asaloke' maéman a si Kristus taan ka'i imawendu ampa'paan maéman ai Sia.

Kolose 2:12

Ampa'paan an tutuw iow nibaptis, kamu tanu aicuburo mewali-wali wo si Kristus. Wo ang karapi im baptisan itu, kamu ka'i tinou sumawel mewali-wali wo Sia, ampa'paan kamu maéman asi kawasa i Amang Kasuruan si tumou sumawel si Kristus an uner é tou imaté.

2 Tesalonika 1:9

Séra makéré oka ukuman asi Casuruan owo akar ing kauré-uré. Séra yusér i Casuruan tayang an dior-Na wo ra'io ka'i suméré ing kawangko' ing kawasa-Na.

Ibrani 6:4

Ampa'paan sé tou isumangkumo maéman a si Kristus wo sé menonouo an sendot i Amang Kasuruan, imepé'o mai ing kama-kamang-Na, wo sumangkumo kinawasa i Roh Le'nas,

1 Petrus 1:5

Ampa'paan kamu maéman a si Amang Kasuruan, pakatéiran-Na kamu ang karapi ing kawasa-Na, wosama' kamu ro'na tumerima ing kamang kalowiran sé aitu'tul-Nao em béé oka ai camu a si endo-endo kaka'puan ing kayo'baan.