Efesus 2:7 - En Taar Weru a nunuwu' é Tontemboan

⁷ Niéma' i Amang Kasuruan pakasa en itu wosama' asi témpo maai sa, ituru'-Na oka eng kawangko' in upus-Na si mawuta-wuta kiit ing kasamaan-Na ai cita sé meesao ang karapi i Kristus Yesus.

Efesus 2:7 ပူးပေါင်းရင်းမြစ်များ

Roma 2:4

Si Amang Kasuruan itu en até-Na sama', talesen wo wuta ing kaupusan. Taan tioo paepesen iow im beren em pakasa in itu wo mawerot ra'io sangali mape'dis! Ra'ica réén kailekan iow sapaoka ituru' i Amang Kasuruan eng kasamaan in até-Na itu wosama' kamu mape'dis ang kamesé-meséaan?

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Efesus 2:4

Taan taloso wangko' eng kaupusan i Amang Kasuruan! Kita icaupus-Na keli,

Efesus 3:21

Si Amang Kasuruanke' si parayo wo pasiriin an uner é jamaat ampa'paan kita meesao wo si Yesus Kristus. Irayoo mangé Sia akar a sé tara-taranak akar ing kauré-uré. Ulit!

Efesus 3:5

Indior em pawasa-wasan-Na itu ra'ipé' kawisa aicua a sé tou, taan intarépé' sé pawasa-wasan-Na itu aituru'o i Roh i Amang Kasuruan a sé ruru'du'an sé sinisir-Na wo ka'i a sé nabi-Na.

2 Tesalonika 1:12

Wo in taniitu, e ngaran i Yesus si Apo'ta iparayo miow. Wo ka'i kamu irayo i Apo' Yesus ampa'paan si Amang Kasuruanta wo si Apo' Yesus Kristus tumambérai ing kamang ai cita.

Titus 3:4

Taan intarépé', aituru'o i Amang Kasuruan si Lumolowirta eng kasamaan-Na wo eng kaupusan-Na a sé pakasa in tou.

1 Petrus 1:12

Aicuao i Amang Kasuruan a sé nabi sapaoka sé ipakua éra itu ra'ica torona in owak éra in esa, taan torona miow intarépé'. Sé pakua éra itu, siituo en Abar Kaaruien andumoro' i Yesus Kristus. Wo intarépé' awéan sé tou kinawasa i Roh Le'nas an sorga owo, séra ituo sé tou makua in Abar Kaaruien itu ai camu. Sé malaékat ka'i masalé' makailek andumoro' ing kalowiran sé aicuao ai camu.