Efesus 2:2 - En Taar Weru a nunuwu' é Tontemboan

² An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

Efesus 2:2 ပူးပေါင်းရင်းမြစ်များ

Matius 11:19

Wo mai si Toyaang i Tou, Sia makan wo maelep, wo pakua é tou, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’ Taan eng kapinteran asi Amang Kasuruan owo kaséréan oka a sé tou sé mengaéma' in sususuien wutul itu.”

Matius 13:22

En lulumbo sé rumongkor an unér in dukut tutunéan en itu meputé wo sé tou ilumingao in taar, taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan. Pakasa en itu méma' iséra ra'ica iméé rékén asi taar itu akar ra'ica imua'.

Matius 13:38

En uma, siituo eng kayo'baan. Wo en lulumbo loor sérao sé toyaang ing Kakolanoan, wo eng kuung sérao sé toyaang i kikiiten é sétang.

Markus 4:19

taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan wo masalé-salé'pé' ka'i ing kalébéan walina. Pakasa en itu méma' iséra ra'ica iméé rékén asi Taar itu, akar en Taar itu ra'ica imua' an untep in até éra.

Lukas 16:8

Wo si tou mengaurus in doit péngkor en até itu iparayo i tuangna ampa'paan sia pandéi maéré-éré lalan torona ing kalooranna in esa. Mémang wutul, sé tou makiit ing kasalé'an ing kayo'baan, séra en lébé pandéi maéré-éré lalan torona ing kalooran éra in esa wotaré sé tou makiit ing kasalé'an i Amang Kasuruan.

Lukas 22:31

Wo icua i Yesus a si Simon Petrus, “Simon, Simon, wéanmu rékén sumama-sama'! Si kikiiten é sétang imakéréo kaloasan asi Amang Kasuruan e mangepé' ai camu im baya, akar catané a Yaku. Si kikiiten é sétang itu tanu si menganguma tumaap im béné' en tumané im béné' loor wo sé wéné' pesel.

Yohanes 12:31

Intarépé' an témponao si Amang Kasuruan makim sé tou ang kayo'baan anio', wo si kikiiten é sétang si makakawasa ang kayo'baan anio' iténdél oka ang kesot.

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Yohanes 13:27

Keterima i Yudas i roti itu, en aténa rinasuko i kikiiten é sétang. Icua i Yesus ai sia, “Sapa si casalé'mu émaan, kala'useno taré émaan.”

Yohanes 14:30

Intarépé' Aku ra'io kumeli roma' ai icamu, ampa'paan si kikiiten é sétang si kumawasa ing kayo'baan anio' ang karoro'ano i maai. Taan sia ra'ica wana kawasa sapake' mangé a Yaku.

Yohanes 15:19

Sa kamu kaputé éra ra'ica maéman a Yaku, tantu kamu icaupus éra tanu tou makiit iséra. Taan ampa'paan kamu sinisir-Kuo an uner éra, kamu ra'io meputé wo iséra sé ang kayo'baan, ampa'paan in ituo séra masuut icamu.

Yohanes 16:11

Katelu, ituru'-Na oka a sé tou sapaoka sé tou mengaéma' ing kamesé-meséaan tantu ukumen, ampa'paan si kikiiten é sétang si cumawasa ing kayo'baan anio' aitantuo in ukumen.

Yohanes 7:7

Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Yohanes 8:23

Wo icua i Yesus ai séra, “Kamu anio' a mio'na owo, taan Aku an dangka' owo. Kamu asi cayo'baan anio' owo, taan Aku ra'ica.

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Kisah Para Rasul 19:35

Wo iru'du' i jortulis ing kota itu wosama' séra menes, icuana, “Éi tou Efesus! Kailekan waya é tou ang kayo'baan anio' sapaoka tinéiran é tou Efesus sumama-sama' eng kuil i opo' Artemis si wangko' wo ka'i em patongna si tumumpa mai an langit.

Kisah Para Rasul 5:3

Wo icua i Petrus, “Ananias, kéitu réén en atému kinawasa i kikiiten é sétang? Ico tumowoo a si Roh Le'nas wo tinangmuke' si sangaperua im bééna in tana' itu.

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

1 Korintus 5:10

An tutuw itu, aku ra'ica rumu'du' icamu tumayang asé im pakasa é tou cabul ang kayo'baan anio', sé tou rakus, sé tou mengauwak kuma'pa asé tou maapo' a sé opo-opo'. Ampa'paan sé tou tanu siitu am bisa-wisa awéan. Sa taniitu, kamu musti kumesot asi cayo'baan anio'.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Efesus 1:21

A mangé mbitu si Kristus merénta ang karapi ing kawasa si rumangka'mai asé im pakasa ing kawasa é maperénta, sé makakawasa, wo eng kakawasaan, eng kakolanoan wo pakasa i ngaran sé ro'na icua asi témpo ya'sa wo ka'i asi témpo maai oka sa.

Efesus 2:11

Poo-poow, ta'néieno mangé tambisa eng katouan iow indior. Ketouke' mai icamu tou ra'ica Yahudi, anaé icamu patuulen é tou Yahudi “tou ra'ica sinunat”, ampa'paan patuulen éra en owak éra “tou sinunat”. Sé tou sinunat itu mengatirayo ampa'paan séra mengakiit in atoran sunat, mandé ka'i en itu asalo tuus an owak éra si niéma' ing kama in tou.

Efesus 2:13

Mandé ka'i kamu indior tayango asi Amang Kasuruan, taan intarépé' rumuruo ang karapi-Na ampa'paan in enda' i Kristus.

Efesus 2:3

En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

Efesus 4:22

Ampa'paan in ituo tela'uo mio' em peri ing katouan uré. Eng katouan uré tanu siitu ra'ica loor, ampa'paan makiitke' ing kasalé'an in owak sé ra'ica wutul si mengasélé'kow icamu wo luméwo' ing katouan iow.

Efesus 5:6

Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

Efesus 5:8

Indior kamu toya-toyaang ing kariréimbengan, taan intarépé' kamu imamualio tou i Casuruan, anaé icamuo sé toyaang in sendot. Ampa'paan in itu menonouo mangé tanu toya-toyaang in sendot,

Efesus 6:12

Ampa'paan kita merang ra'ica sumundur sé tou, taan en sundurenta itu sé maperénta, wo sé makakawasa wo sé kawasa ing kayo'baan si riréimbeng anio' wo sé roh léwo' an langit.

Kolose 1:21

Indior, kamu ka'i menonou tayang asi Amang Kasuruan wo mamuali kaséké'-Na an untep in até wo e ngaas iow en tuusna em pengaémaan iow léwo'.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

Yakobus 1:7

Si tou tanu siitu, tioo mawerot sa sia makéré in sapa-sapa asi Casuruan owo.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

1 Petrus 1:14

Kamu musti le'tek a si Amang Kasuruan meputé si toyaang le'tek a si amangna, wo ra'io toro kawasan ing kasalé'an in owak sé ra'ica wutul sé an owak iow indior an tutuw iow ra'ipé' makatuus si Casuruan.

1 Petrus 4:3

Ampa'paan indior keliano en témpo pinaké miow mengéma-ngéma' sé ra'ica loor meputé im pengaémaan é tou sé ra'ica makatuus si Amang Kasuruan. An tutuw itu kamu menonou tanu sia'i: makiit ing kasalé'an in owak, kasalé'an maéma' in léwo', malangu-langu, maéma' ing kasalé-salé'an mengele-ngelep in elepen mengalangu, wo mengaapo' a sé opo-opo' si ra'ica toro émaan iow.

2 Petrus 2:14

Em beren éra masalé' menéré-néré sé wéwéné akar masalé' mengabersina wo ra'ica mengasuut mengaéma' ing kamesé-meséaan. Wo séra matawér sé tou ra'ipé' talos maéman a si Apo' Yesus wosama' icasélé'kow. En até éra itu manaramo menonou ang kalongi'an. Wo séra ituo sé tou kinutuk.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.

1 Yohanes 3:8

Taan si séi si mengéma-ngéma'pé' ing kamesé-meséaan, sia itu anu i kikiiten é sétang, ampa'paan si kikiiten é sétang itu tumo'tolke' mai indior mengéma-ngéma' ing kamesé-meséaan. Taan si Toyaang i Amang Kasuruan maai en tumeri im pakasa sé pengaémaan i kikiiten é sétang.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

1 Yohanes 5:4

Kita anio' mamualio toya-toyaang i Amang Kasuruan, ampa'paan in itu kawooanta kumala si léwo' asi cayo'baan anio'. Wo kita muntung ampa'paan kita maéman a si Casuruan.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 16:17

Kekawus in itu tuas i malaékat kapitu sé an untep im paelepanna an langit, wo kalingaan en suara taangko' am palukutan pasiri-siriin owo si am Balé Le'nas, makua in tana'i “Kumawuso waya.”

Wahyu 20:2

Wo si naga ula' matu'a itu tangkaanna, siao si kikiiten é sétang. Wo ranténna si naga itu sangariwu ngata'un eng kauré.