Efesus 2:14 - En Taar Weru a nunuwu' é Tontemboan

¹⁴ Ampa'paan kita niéma'o i Kristus menonou ang kaeluran, icita sé tou Yahudi wo sé tou ra'ica Yahudi pineesa-Nao wo tinongkar-Nao e ri'dir mésel si icumawu' ampa'paan ing kaperéndéran.

Efesus 2:14 ပူးပေါင်းရင်းမြစ်များ

Lukas 1:79

en sumendot in até é tou sé menonoué' ang kariréimbengan wo sé tou menonoué' ang kaindé'an. Wo mai-Na oka akinen kita kumiit in lalan maangé asi katouan wuta ing kaeluran.”

Lukas 2:14

“Irayoo wo siriino mangé si Amang Kasuruan an tampa rumangka-rangka'! Wo am bawo ing kayo'baan wéan-Na mai ing kaeluran a sé tou sé mengaarui in até-Na.”

Yohanes 10:16

Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Yohanes 11:52

wo ra'ica asaloke' sé tou Yahudi, taan ka'i en lumi'us wo meesa sé toyaang i Amang Kasuruan sé imeseraro am pakasa ing kayo'baan.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Kisah Para Rasul 10:28

Wo icua i Petrus, “Kailekano miow eng kanaramen ami tou Yahudi, kami ra'ica toro mengkemuan wo sé tou ra'ica Yahudi tanu icamu, wo ka'i ra'ica toro mangé am balé miow ampa'paan pakasa en itu najis ai cami. Taan aicuao i Amang Kasuruan a yaku sapaoka ra'ica wana tou najis an dior-Na.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

Galatia 3:28

Anaé, pakasa in tou maéman a si Kristus ra'io wana em béda, mandé kai séra tou Yahudi kuma'pa tou ra'ica Yahudi, ata kuma'pa tou ra'io pakakawasan é tou walina, tuama kuma'pa wéwéné. Ampa'paan kamu im baya nianggap meputé an dior i Amang Kasuruan ampa'paano i Yesus Kristus.

Efesus 2:15

Ampa'paan eng kepaté-Na tanu tou, en atoran-atoran wo em perénta-perénta an ukum Torat binatal-Nao wosama' sé tou Yahudi wo sé tou ra'ica Yahudi mamuali esa bangsa weru, si meesa ang karapi-Na. Tanu siituo si Kristus iméma' ing kaeluran.

Efesus 2:17

Sia mai ang kayo'baan eng kumua in abar kaeluran a sé tou ra'ica Yahudi sé indior tayangé' wo si Amang Kasuruan wo sé tou Yahudi sé tawi wo Sia.

Efesus 3:15

si mamuali Amangta im baya sé ang kayo'baan wo ka'i pakasa sé an sorga. Niéma'-Na kita im baya mamuali esa pamalé.

Efesus 4:16

Siao en tumu'tul im pakasa sé an owak akar imetu'tul sama' wo meesa, ampa'paan pakasa sé an owak itu awéan ubungan i esa wo si esa. Wo an tutuw i esa wo si esa anggota an owak matawoi ang karapi i mauli-ulit, pakasa sé an owak itu tumou oka wo mewali-wali mangun in owak ang karapi i meupu-upusan.

Kolose 1:20

Wo ampa'paan si Kristus ituo, akar émaan i Amang Kasuruan pakasa sé ang kayo'baan wo sé an sorga meeluran sumawel wo Sia. Niéma'-Na pakasa ro'na meeluran sumawel wo Sia, ampa'paano in enda' i Kristus si maté ang kayu salip.

Kolose 2:20

Kamu imatéo mewali-wali wo si Kristus, wo aiwekaro ang kawasa é roh ing kayo'baan anio'. Taan kéitu réén kamu imenonoué' tanu sé tou pakakawasan ing kayo'baan anio'? Kéitu réén kamu makiité' in atoran-atoran ing kayo'baan anio'? Tanumai,

Kolose 3:11

Wo in taniitu, kamu sé mamualio weru, ra'io wana em bédana, tou Yunani kuma'pa tou Yahudi, tou sinunat kuma'pa tou ra'ica sinunat, tou Barbar kuma'pa tou Skit, ata kuma'pa ra'ica ata, pakasa waya puté. Taan si penting keli si Kristus wo Sia menonouo an owak iow im baya.

Kolose 3:15

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

Ibrani 7:2

Wo iwéé i Abraham a si Melkisedek sangapepulu' asé im pakasa sé kinaandétan am paperangan. Eng kaangéan i ngaran i Melkisedek “kolano ra'ica marapit.” Wo sia “kolano ing kaeluran”, ampa'paan sia kolano ang kota Salem eng kaangéanna kaeluran.