Efesus 2:13 - En Taar Weru a nunuwu' é Tontemboan

¹³ Mandé ka'i kamu indior tayango asi Amang Kasuruan, taan intarépé' rumuruo ang karapi-Na ampa'paan in enda' i Kristus.

Efesus 2:13 ပူးပေါင်းရင်းမြစ်များ

Yohanes 10:16

Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Kisah Para Rasul 15:14

Si Simon Petrus isumisilo tambisa si Amang Kasuruan kumataré itumuru' in upus aitambér-Na a sé tou ra'ica Yahudi. Sinisir-Na sé tou an uner é tou ra'ica Yahudi e mamuali tou-Na.

Kisah Para Rasul 2:39

Ampa'paan sé aijanjio i Amang Kasuruan itu torona pakasa in tou sé tinowa-Na, icauntep icamu wo sé taranak iow wo ka'i pakasa en tou sé maento' an tampa-tampa tayang.”

Kisah Para Rasul 22:21

Taan icua i Casuruan a yaku, ‘Mangém, iru'du'-Ku oka ko mangé tumayang asi tampa anio' wo mangé a sé bangsa ra'ica Yahudi.’ ”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Roma 8:1

Intarépé', kita sé meesao ang karapi i Kristus Yesus ra'io ka'i ukumen i Amang Kasuruan.

1 Korintus 1:30

Si Amang Kasuruan in esa e méma' camu meesa ang karapi i Kristus Yesus. Wo si Kristus Yesuso e méma' cita mapinter, wo ampa'paano Sia ka'i kita nianggap wutul i Amang Kasuruan. Niéma ka'i Yesus kita mamuali tou le'nas wo ka'i tinu'bus-Na kita ang kamesé-meséaanta.

1 Korintus 12:13

Taniitu ka'i kita im baya, mandé ka'i kita tou Yahudi kuma'pa tou ra'ica Yahudi, ata kuma'pa tou ra'ica pakakawasan é tou walina, kita im baya nibaptis i Roh Le'nas si meputé, wosama' kita émaan esa owak. Wo kita im baya ka'i sumangkumo mai ing kamang a si Roh Le'nas si makaleke-lekep itu.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

2 Korintus 5:17

Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.

Galatia 3:28

Anaé, pakasa in tou maéman a si Kristus ra'io wana em béda, mandé kai séra tou Yahudi kuma'pa tou ra'ica Yahudi, ata kuma'pa tou ra'io pakakawasan é tou walina, tuama kuma'pa wéwéné. Ampa'paan kamu im baya nianggap meputé an dior i Amang Kasuruan ampa'paano i Yesus Kristus.

Efesus 1:1

En surat anio' a yaku owo Paulus, si mamuali ruru'du'an i Kristus Yesus kumiit ing kasalé'an i Amang Kasuruan. En surat anio' aipaticku ai camu tou le'nas an Efesus, sé le'tek maéman a si Kristus Yesus.

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Efesus 2:12

An tutuw itu kamu ra'ipé' maéman a si Kristus. Kamu ra'ipé' aicauntep a sé tou sé sinisir i Amang Kasuruan wo ra'ica tumerima pakasa sé aijanji-Na a sé tou-Na Israel. Wo kamu menonou ang kayo'baan anio' ra'ica wana em paarapen wo ka'i ra'ica makatuus si Amang Kasuruan.

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

Efesus 2:6

Wo ampa'paan kita meesao wo si Kristus Yesus, kita tinou sumawel i Amang Kasuruan wo ailukut-Na an tampa pasiri-siriin mewali-wali wo si Kristus e merénta ang kerapi-Na an sorga.

Ibrani 9:18

Tanu siituo ka'i em perjanjian kataré si niéma' i Amang Kasuruan wo sé tou Israel. Si perjanjian kataré itu ka'i ra'ica toro pakén sa ra'ica wana enda'.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

Wahyu 5:9

Wo séra kumantar esa kakantaren weru tana'i: “Icoo em patus tumerima ing gulungan kitap itu, wo muka' in ségél-ségélna. Ampa'paan Ko sumangkumo pinaté, wo ang karapi in enda'-Mu, tinu'bus-Muo séra torona i Amang Kasuruan, séra itu mai am pakasa in suku, i nunuwu', i negara wo im bangsa.