3 Yohanes 1:6 - En Taar Weru a nunuwu' é Tontemboan

⁶ Sé poo-poow itu imaréngo mai sumawel wo aicuao éra a sé jamaat am bia'i andumoro' in upusmu. Lébé loor ka'i sa tawa- ngenmu séra lumala'us im bawayaan éra ang karapi imengaéma' ing kasalé'an i Amang Kasuruan.

3 Yohanes 1:6 ပူးပေါင်းရင်းမြစ်များ

Kisah Para Rasul 15:29

Kamu ra'ica toro kuman ing kakanen si ayumpero a sé opo-opo', ra'ica toro kuman sé binatang imaté ampa'paan kiniselan eng kolot, wo ra'ica toro kuman in enda', wo ka'i ra'ica toro mabersina. Sa pakasa en anio' itayang iow, kamu méma'o in loor. Akaré' am bia'i owo en surat ami anio', siri' ai cami owo.”

Kisah Para Rasul 15:3

Wo séra iwali é tou maéman an Antiokhia akar ang kesot ing kota. Séra lumala'us im bawayaan lumangkoi im Fenisia wo in Samaria. An sangkum itu, ipakua éra ka'i sapaoka sé tou ra'ica Yahudi an tampa walina mape'diso wo maémano a si Yesus. En abar itu méé kaaruian a sé tou maéman am bitu.

Kisah Para Rasul 21:5

Taan ampa'paan maka'puo en témpo ami mento' am bitu, kami lumala'uso im bawayaan ami. Pakasa en tou maéman wo sé penanaan wo sé toyaang éra, makawali icami akar ang kesot ing kota. An tutuw ami icateka'o mangé an tembir in ta'sic, kami im baya kumundu wo sumombayang.

Roma 15:24

Anaé, em paarapenku ro'na woo tumuli wo meta'up ang karapi miow a Roma an tutuw aku maangé an Spanyol, akar en atéku uli-ulit arui mewali-wali wo icamu a mangé mbitu. Kekawus in itu, kamu ka'i paarapenku ro'na tumawang yaku an tutuw aku lumala'us im bawayaanku maangé an Spanyol.

2 Korintus 1:16

En ulitna yaku mawasa maangé woo ai camu am bawayaanku an sangkum i Makedonia, wo an tutuwku maré- ngo mai, tumuli oka ai camu, wosama' kamu ro'na sumémbong a yaku lumala'us im bawayaan maangé an Yudea.

Filipi 4:14

Mandé ka'i in taniitu, yaku tinawa- ngo miow an tutuwku ang kawenduan intarépé'. Wo sapa sé niéma' miow itu loor.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

1 Tesalonika 2:12

Wo pangileken ami ai camu wosama' menonou angé makiit ing kasalé'an i Amang Kasuruan. Siao en itumowa icamu e muntep ang Kakolanoan-Na wo makéré i rarayo wo in sisiri'-Na.

Titus 3:13

Wo an tutuw si Zenas si makailek wutul in ukum Torat wo si Apolos karapina tu'tulo lumala'us im bawayaan éra, tawangeno mangé séra ang karapi in loor wosama' sapa em paperlun éra am bawayaan éra itu ra'ica kainaan sapa-sapa.

1 Petrus 2:20

Taan sa kamu mawendu ampa'paan mengaéma' ing kamesé-meséaan, sapa eng kalébéana? Taan taré sa kamu talesen muléng ing kawenduan ampa'paano mengaéma' in loor, tantu kamu tambéran oka mai ing kamang i Amang Kasuruan.

3 Yohanes 1:12

Wo pakasa in tou rumayo si Demetrius. Wo sia patus irayo ampa'paan eng katouanna makiit in sususuien wutul. Iparayo ami ka'i sia wo kailekan iow sapaoka e rarayoan ami andumoro' sia itu wutul.