3 Yohanes 1:5 - En Taar Weru a nunuwu' é Tontemboan

⁵ Poowku Gayus si caupusku, ico le'tek mengatawang am baya-waya a sé poo-poow an ésa paémanen sé mengakua in Abar Kaaruien andumoro' i Yesus Kristus, mandé ka'i séra ra'ipé' katuusanmu.

3 Yohanes 1:5 ပူးပေါင်းရင်းမြစ်များ

Matius 24:45

“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.

Matius 25:16

Si ata tinokéan in lima talenta makala'us mangé e mangkér, wo en untungna lima talenta.

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Ibrani 13:2

Tioo marua-rua até en tumerima si séike' en lumosér am balé miow mandé ka'i ra'ipé' katuusan iow. Ampa'paan ang karapi méma' in taniitu, awéan sé piraan tou indior ra'ica kinailekan éra itumerimao sé malaékat am balé éra.

3 Yohanes 1:10

Ampa'paan in itu, sa aku maai sa, icuaku oka waya sé niéma'na, ampa'paan ipasisilna sé léwo' wo sé ra'ica wutul andumoro' ami. Wo pakasa en itu ra'ipé' ka'i awes ai sia. An tutuw é poo-poow esa paémanen mai, ra'ica kiimna tumerima iséra. Ra'ica siituke', papéronenna ka'i sé tou sé masalé' mengaterima sé poo-poow esa paémanen itu. Wo ra'io wééna sé tou mengaterima itu e mewali-wali meesa an jamaat.

3 Yohanes 1:3

Arui keli aku ampa'paan awéan poow maéman imai méé kasairian a yaku sapaoka ko tatap le'tek a si Amang Kasuruan wo pengaémaanmu ka'i en sususuien wutul itu.